خواله رسنۍTwitterFacebookPinterestGoogle+

ترکیه هم افغانستان ته د طبي تجهیزاتو لویه محموله را استوي

تاند، سه شنبه، د جوزا ۲۰مه: ترکیه افغانستان او ګانا هېوادونوته د کورونا پر ضد د مبارزې لپاره د طبي توکو مرستې استوي.

د ترکیې اناتولي اژانس وايي، دغه هېواد د می په ۱۵مه له افغانستان سره یوه هوکړه لاسلیک کړې وه چې له مخې به یې اوس افغانستان ته پنځه مانیټورینګ، ۱۰ وینټیلاټور، لارنګو سکوپونه، پي سي آر لابراتواري ماشینونه او نور طبي وسایل افغانستان ته واستول شي.

په دغو طبي مرستو کې د کورونا تشخیصیه کیټونه او نور لابراتواري تجهیزات هم شامل دي.

د راپور له مخې ترکیه به افغانستان ته د درملو ۳۵۰۰ کڅوړې، ۲۵ زره این ۹۵ طبي ماسکونه او ۵۰ زره بوتلونه عفوني ضد مایعات هم ورکړي.

افغانستان چې د کورونا له کبله د طبي وسایلو او تجهیزاتو له شدید کمښت سره مخ دی تر اوسه ورسره چین، روسیې، قطر، هند، جرمني د طبي وسایلو مرسته کړې ده.

1 comment

  1. محمد شعیب Reply

    دغه ته وایی کمک نه لکه نور هیوادونه چی دسکشی او دست ماسک رالیږی

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *