خواله رسنۍTwitterFacebookPinterestGoogle+

ترکيې په افغانستان کې د جګړې د ختمېدو غوښتنه کړې

تاند(شنبه، د قوس ۱) د ملي مصالحې عالي شورا مشرعبدالله عبدالله د ترکیې له ولسمشر رجب طیب اردوغان کتلي دي.

په دې لیدنه کې د ترکیې ولسمشر ویلي، د افغان سولې د هڅو ملاتړ کوي او په دې هېواد کې د جګړې د ختمېدو غوښتونکی دی.

د مصالحې عالي شورا رییس وایي د سولې لپاره د سیمه ییز ملاتړ جلبولو په هدف يې ترکیې هېواد ته سفر کړی.

نوموړي تر دې وړاندې پاکستان، ایران او هندوستان ته هم ورته سفرونه کړي.

بل لوته افغان شنونکي بيا د ملي روغې جوړې شورا په بېکارۍ تورنوي.

دوی وایي د یادې شورا شتون یواځې نوم دی او بله هېڅ ګټه يې د سولې پروسې ته نه ده رسېدلې.

عام افغانان هم پر ملي روغې جوړې شورا نيوکه لري او وایي د جګړې شدت ته په کتو دوی هېڅ لاسته راوړنې نه لري.

Leave a Reply