خواله رسنۍTwitterFacebookPinterestGoogle+

فیصل: طالبانو تراوسه ۶۱۶ بندیان خوشي کړي

تاند(دوشنبه، د سرطان ۸) د افغانستان د ملي امنیت شورا وايي، وسله والو طالبانو تراوسه پورې ۶۱۶ تنه اسیران خوشی کړي دي.

د ملي امنیت شورا ویندوی جاوید فیصل نن رسنیو ته وویل، د طالبانو له لوري په خوشي شویو بندیانو کې ۴۰۸ تنه امنیتي ځواکونه او نور ملکي وګړي دي.

د امریکا او طالبانو د فبرورۍ د ۲۹ نېټې له موافقې سره سم، طالبان باید د افغانستان د حکومت ۱۰۰۰ تنه برمته کړي ځواکونه پرېږدي. او په مقابل کې یې حکومت د طالبانو ۵ زره بندیان خوشي کړي.

طالبانو په تخار کې ۲۱ پولیس او پوځیان ازاد کړل

د افغانستان حکومت تراوسه پورې د طالبانو شاوخوا ۴ زره بندیان خوشي کړي او ویلي یې دي چې نور به هم ژر خوشي شي.

په همدې منځ کې د یو شمېر طالب بندیانو د خلاصون پر سر اختلاف دی. د دغو طالب بندیانو په اړه، چې ځینې یې شمېر ۴۰۰ او ځینې د ۲۰۰ او ۳۰۰ ترمنځ بولي، افغان چارواکي وايي چې په لویو او خونړیو بریدونو کې لاس لري او د محکمو له لوري په اوږدو بندونو محکوم شوي دي.

د افغانستان حکومت وړاندیز کړی چې د هغو پر ځای به نور طالب بندیان خوشي کړي.

څرګنده نه ده چې طالبان له دې وړاندیز سره موافق دي او که نه دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *