خواله رسنۍTwitterFacebookPinterestGoogle+

برلین کې یوې ګېدړې شاوخوا سل جوړې بوټان پټ کړي

تاند ( سه شنبه، د اسد ۷) د برلین ځایي رسنۍ وایي، چې یوې ګیدړې د دې هېواد په زېلن ډروف سیمه کې له کورونو څخه شاوخوا سل جوړې بوټونه غلا کړي دي.

د یادې سیمې اوسېدونکو رسنیو ته ویلي، چې له ډېرې مودې راهیسې، د څپلکو او بوټونو ورکېدو حیران کړي وو،خو په خبره یې اوس یې غل موندلی دی.

دوی وایي اوس پوهیږي، چې غل انسان نه بلکې یوه ګېدړه ده.

ځايي خلک ویاي: «غل یې هغه وخت وموند، چې د مایر په نامه یو کس د سړک پر غاړه د یوې ګېدړې په خوله کې بوټونه ولیدل کله چې نوموړي د ګیدړې عکس په ټولنیزو رسنیو خپورکړمالومه شوه، چې له همدې سیمې شاوخوا سل جوړې بوټونه ورک شوي دي.»

دا خبر بیا په افغانستان کې په ټولنیزو رسنیو کې په یوه ټوکه بدله شوې.

د ټولنیزو رسنیو یو شمېر افغان کاروونکو دې خبر ته کمنټونو کې لیکلي، ګېدړه نه ده پوډري د ګیدړې پوست پر تن کړی دی مه یې پرېږدئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *