خواله رسنۍTwitterFacebookPinterestGoogle+

بخشش/ اجمل پسرلی

مزدور کار د پلې لارې کټارې ته په ناستو تکیه کړې وه، پښې یې د چوک لور ته غځولې وې.

یو تن چې شنه کورتۍ یې په تن وه، څه یې په لاس کې و، د ده مخې ته تیر شو بیرته لنډ راوګرځید. ده سترګې وچې ورته ونیولې. دې سړي د چوک بل لورې ته د هغو کسانو خواته مخ واړاوه چې هغوی هم دیاړي ته ناست وو.

مزدورکار پاڅید. دا بل سړی ودرید، ده هم اوسپنیزه کټاره ونیوله. د سړي تور بوټونه ورته وځلیدل، شونډه یې په غاښ ټینګه کړه:

« که مې کار ته وروغواړي….بخشش هم…»

تر سر تړلی دستمال یې پرانیست بیا یې له سره تاو کړ:

«  په هغو پسې ور نه شي»

دې سړي د ده خوا ته سترګې واړولې. د مزدورکار شونډې ویړې شوې. دا سړی د ده په خوا راغی. دی هم لږ ورمخته شو، خوله یې پرانیسته چې څه ورته ووایي. دې بل کس لاس ورته ونیو:

-مه خوځه

کمره یې ورته ونیوله:

-اجازه ده چې عکس دې واخلم

ده دواړه لاسونه د تړلي دستمال پر سر وتپل. اوږې یې وخوځولې. ملا یې نیغه کړه. غاړې یې تازه کړې. دې سړي کمره لاندې ونیوله. د مزدورکار چپې سترګې لمر ته اوبه وکړې. پر سر د تړلي دستمال راځوړنده ژۍ یې پرې تیره کړه دا بله سترګه یې ده ته نیولې وه.

دا سړی د ده څنګ ته ودرید د کمرې شیشه یې ورته ونیوله:

-ډير عالي عکسونه راغلی دی، هنري دي

مزدورکار د ده د عطرو بوی ته پوزه کش کړ او پستو لاسونو ته یې ځیر شو. دې سړي ورته وویل:

-کوم عکس دې خوښ شو؟

مزدورکار وخندل، زیړ غاښونه یې په تور مخ کې وځلیدل. دې بل سړي د کمرې تسمه غاړې ته واچوله، په هغه لور روان شو چې پرې راغلی و. ده زړه و چې ورغږ کړي چې مزدورکار مو نه دی پکار، خو لاړې یې تیرې کړې لکه روژه چې یې وي ژبه یې له وچ تالو سره ونښته.

پای

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

د استاد غضنفر څو خبرې | فیصل جلال

د استاد غضنفر څو خبرې | فیصل جلال

21 سپتمبر, 2020 کلتور taand No comments

د وږي په شلمه په علو…

راشه کنه مرم درپسې| عطاءالله ځواب

راشه کنه مرم درپسې| عطاءالله ځواب

20 سپتمبر, 2020 کلتور taand No comments

 د ښاغلي نور محمد لا…

دوه تازه چاپ شوي اثار

دوه تازه چاپ شوي اثار

20 سپتمبر, 2020 کلتور taand No comments

دوه اثار چې یو یې د …

منټو (لنډې کیسې) چاپ شو| سیال یوسفي

منټو (لنډې کیسې) چاپ شو| سیال یوسفي

18 سپتمبر, 2020 کلتور taand Comments (1)

د وخت د بدنام لیکوال…