خواله رسنۍTwitterFacebookPinterestGoogle+

په ایران کې ۴ تنه افغانان په اوبو کې ډوب شوي

تاند (چهار شنبه، د جوزا ۲۸) د ایران د اصفهان ولایت چارواکي وايي چې د دې ولایت په زاینده رود سین کې ۴ افغانان ډوب شوي دي.

ایرنا خبري اژانس د سې شنبې په ورځ (جوزا ۲۷- جون ۱۶) د اصفهان ولایت د بیړنیو پېښو عمومي ریاست په قول وویل «څلور تنه نن مازدیګر (سې شنبه) د اصفهان په لوېدیځ کې په زاینده رود بند کې مړه شوي دي.»

د ده په وینا څلور واړه مړه شوي افغانان دي.

دا پېښه له دوو نورو پېښو وروسته کېږي چې یوه یې په هریرود سین کې د شاوخوا ۵۰ تنو افغان پناه غوښتونکو د ډوبولو او بله په یزد کې د افغان پناه غوښتونکو د سپرلۍ موټر ته د اور ورته کولو وه او زیات غبرګونونه یې وپارول.

د اصفهان ولایت د بیړنیو پېښو ريیس منصور شیشه فروش وویل، په دغو څلور تنو وژل شویو کې ۳ ښځې او یو نارینه دی. دوی د زاینده رود سین بند ته تللي وو، لومړی یو تن په اوبو کې ډوب شو، ورپسې نورو د یو بل د ژغورلو لپاره اوبو ته ځانونه اچولي او ډوب شوي دي.

د ده په وینا د مړو شویو کسانو عمرونه د ۲۰ او ۵۰ کلونو ترمنځ وو.

شیشه فروش دا هم وویل چې د وژل شویو افغانانو مړي موندل شوي او له اوبو راایستل شوي دي.

شیشه فروش ویلي چې په بندونو کې لامبو منع ده او د سږ کال له پیله تراوسه پورې په اصفهان ولایت کې ۲۱ تنه ډوب شوي او مړه شوي دي.

1 comment

  1. یوسفزی Reply

    فراه رود سیند، نه بلکې هریرود

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

منټو (لنډې کیسې) چاپ شو| سیال یوسفي

منټو (لنډې کیسې) چاپ شو| سیال یوسفي

18 سپتمبر, 2020 کلتور taand No comments

د وخت د بدنام لیکوال…

دا ترانې | ګل رحمن رحماني

دا ترانې | ګل رحمن رحماني

16 سپتمبر, 2020 کلتور taand No comments

 ماشوم روزنه او پالن…

زما خټین تاج محل

زما خټین تاج محل"" اثر چاپ شو"

14 سپتمبر, 2020 کلتور taand No comments

سید اصغر هاشمي په…

د ژوند په تمه| لیمه وزیري 

د ژوند په تمه| لیمه وزیري 

11 سپتمبر, 2020 کلتور taand No comments

موږ د شپې د سولې او …