افغانستان د کورونا د ۴۲ زره ټېسټونو لپاره مواد ترلاسه کړل

تاند، سه شنبه، د ثور ۳۰مه: د روغتیا نړیوال سازمان د افغانستان روغتیا وزارت ته د کرونا د ۴۲ زره ټیسټونو لپاره د آر این ای د استخراج ۲۵۰ کیټونونه ورکړل.

دغه کېټونه نن په کابل کې د روغتیا وزارت مرستیال وحید مجروح ته د روغتیا سازمان د استازي داوود الطاف لخوا تسلیم شول او وزارت به ترې ۴۲ زره ټیسټونه وکړای شي.

افغانستان دا مهال د کورونا د پيښو له زیاتوالي سره د دغې ویروس د تشخیصیه موادو له نشتوالي سره مخ دی چې ګڼو ولایتونو کې یې لابراتوارونه وخت ناوخت تړل کېږي.

تر اوسه له افغانستان سره متحده عربي اماراتو، ایران، چین او د روغتیا نړیوال سازمان د تشخیصه کېټونو مرسته کړې، خو د روغتیا وزارت په پام کې لري چې پخپله هم ځینې کېټونه په پيسو راونیسي.
دا مهال په هېواد کې د کورونا مثبتې پېښې ۷۶۵۳ ته لوړې شوې دي.

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *