راشد خان د هند د غوره لیګ په لومړۍ سیالۍ کې ۲ لوبغاړي وسوځول

تاند- د هند د کرکټ په غوره لیګ کې راشد خان ارمان د سیال ټیم دوه اصلي او مهم لوبغاړي وسوځول.

راشد خان، چې د هند د حیدراباد په سن رایزرس لوبډله کې لوبېږي، نن د هند د غوره لیګ په لومړۍ سیالۍ کې لومړۍ لوبه وکړه.

لومړی بیټنګ سن رایزرس ټیم وکړ او په ۲۰ اورونو کې یې د ۴ لوبغاړو د سوځېدو په بدل کې ۲۰۷ منډې وکړې.

خو آر سي بي ټیم، چې ګومان کېده په روان تورنمنټ کې تکړه ټیم دی، د راشد ارمان په شان د تکړه باولرانو له کبله ونه کړای شوای چې هدف ته ځان ورسوي.

د آر سي بي یا رایل چلینجر بنګلور ټیم ټول لوبغاړي په نولسم اوور او ۴ توپونو په داسي حال کې وسوځېدل چې ۱۷۲ منډې یې کړې وې.

دا لوبه د حیدراباد سن رایزرس ټیم په ۳۵ منډو وګټله.

راشد خان ارمان تراوسه پوري په ۳۳ نړیوالو شل اوره سیالیو کې ګډون کړی او ۵۶ لوبغاړي یې سوځولي او د ورکړیو منډو اوسط یې په هر اوور کې ۶ دی.

سره له دې چې په نننۍ مسابقه کې ۸ نور لوبغاړي د سن رایزرس ټیم نورو لوبغاړو وسوځول خو راشد خان ارمان لومړني تکړه بټسمنان وسوځول.

سن رایزر په نننۍ مسابقه کې محمد نبي ونه لوباوه.

Leave a Reply

Your email address will not be published. Required fields are marked *

ویدیو

کرویشیایان د خپل ملي ټیم لوبغاړو ته هرکلی وايي

کرویشیایان د خپل ملي…

تاند- د کرویشیا خلکو د خپل هیواد د فوټبال د ملي لو…

جسمي معلولیت خنډ کېدای نه شي

جسمي معلولیت خنډ کېد…

تاند- دا غرختونکی (لای چي وای) نومېږي. په ۲۰۱۱ م ک…

ویدیو | تر وخت مخکې خوښي

ویدیو | تر وخت مخکې …

تاند- دا ویدیو ډیلي مېل ورځپاڼې په خپله ویبپاڼه کې…