«
»

افغانستان له آیرلنډه د یو ورځنیو سیالیو لړۍ وګټله

تاند- د رحمت شاه او سمیع الله ښه ملګرتوب (پارټنرشیپ) او د راشد ارمان ۴ ویکټونو مرسته وکړه چې افغانستان له آیرلنډه د یو ورځنیو سیالیو لوبلړۍ وګټي.

افغانستان او آیرلنډ په تېرو ۴ سیالیو کې دوه – دوه مساوي ول.

نن /جمعه/ د پنځمې یا وروستۍ سیالۍ پچه آیرلنډ وګټله او ویې پتېیله چې لومړی په خپله بیټنګ وکړي.

ټول آیرلنډي لوبغاړي په داسي حال کې په ۴۸ اوور کې وسوځېدل چې ۲۲۹ منډې یې جوړې کړې وې.

د راشد ارمان ترڅنګ، چې ۴ لوبغاړي یې وسوځول، فرید احمد ۳ او دولت ځدراڼ ۲ لوبغاړي وسوځول.

فرید احمد په ۱۰ اوورونو کې ۶۵، دولت ځدراڼ په ۸ اورونو کې ۳۳ خو ارمان په ۱۰ اوورونو کې یوازې ۲۹ منډې ورکړې.

په بیټنګ کې د افغانستان دوه لومړي پرانستګر لوبغاړي بیا هم ژر وسوځېدل.

شهزاد محمدي ۱۳ او نجیب تره کي ۵ منډې وکړې.

اصغر ستانکزي راتګ او له رحمت شاه ملګرتوب د افغان ټیم د نندارچیانو وارخطايي کمه کړه.

اصغر ستانکزي په ۵۰ توپونو ۳۹ منډې وکړې خو د ده له سوځېدو وروسته سمیع الله شینواري له رحمت شاه سره لوبې ته د بري تر شېبې پوري دوام ورکړ.

رحمت شاه

رحمت شاه

رحمت شاه د دوهم ځل لپاره سلیزه ووهله.

ده په ۱۲۸ توپونو ۱۰۸ منډې وکړې. سمیع الله شینواري په ۷۷ توپونو ۶۲ منډې وکړې او دواړه تر پایه ونه سوځېدل.

دا لوبه افغانستان په ۷ ویکټونو او ۸ توپونو وګټله.

رحمت شاه د لوبې غوره لوبغاړی شو خو د لوبلړۍ یا ټول سیریز د غوره لوبغاړي جایزه د آیرلنډ د (پي آر سترلینګ) په نصیب شوه.

دا د آیرلنډ په وړاندې د افغانستان لپاره په لوبلړۍ کې پر له پسې دوهم بری و. تر دې وړاندې افغان لوبغاړو د شل اووره سیالیو لړۍ هم ګټلې وه.

ټاکل شوې ده چې د افغانستان لوبډله له مالیزیا سره له یو ورځینۍ مسابقې وروسته له آیرلنډ سره څلور ورځینۍ مسابقه وکړي.

Leave a Reply

Your email address will not be published. Required fields are marked *

ویدیو

سربال/ ویډیو

سربال/ ویډیو

ویدیو لاندې ده - دا ډول سربال به مو لا نه وي لیدلی…

د ۲۰۱۹ نړیوال جام پرانیستونکې مراسم

د ۲۰۱۹ نړیوال جام پر…

د ۲۰۱۹ د کرکټ نړیوال جام سیالۍ په انګلیستان او ویل…

افغانستان او آیرلنډ / ژوندۍ

افغانستان او آیرلنډ …

د افغانستان او آیرلنډ د کرکټ ملي لوبډلې نن په هند …

د محمد نبي شپږیزې او څلوریزې

د محمد نبي شپږیزې او…

تاند- د افغانستان د کرکټ د ملي لوبډلې تکړه ال راون…

Czx