«
»

د یوې څیړنې پایلې ښيي چې فن ډایک د اروپا غوره دفاعي لوبغاړی نه دی

  • Written by:

محمود خان منندوی

د CIES سایټ په یوې څیړنه کې ادعا کړې ده، چې د بایرن میونیک جرمنی دفاعي لوبغاړی نیکلاس سولي د اروپا د اخیرو شپږو میاشتو غوره دفاعي لوبغاړی و..

د لیورپول کلب هالنډی دفاعي لوبغاړی ویرجیل فن ډایک څو ورځې مخکې په داسې حال کې د اروپا په سطحه غوره لوبغاړی انتخاب شو، چې لیونل میسي او کریسټیانو رونالډو هم دې جایزې ته ور سره کاندید وه، خو د CIES څیړنې ښيي چې هغه حتی د اروپا غوره دفاعي لوبغاړی لا هم نه دی. دغه څیړني د اوپټا د ورکړل شوو معلوماتو او د لوبغاړو پر فردي او د لوبډلې سره کارنامې ته په کتو ترسره شوي دي. دغه مؤسسې د 99 نمرو څخه لوبغاړو ته نمرې ورکړي دي او په څیړنه کې دا تصدیقیږي، چې په اخیرو شپږو میاشتو کې ویرجیل فن ډایک په دې درجه بندۍ کې د بایرن میونیک تر جرمني دفاعي لوبغاړي نیکلاس سولي شاته دی او د منچسټر سیټي دفاعي لوبغاړی ایمریک لاپورټي بیا درېیم مقام ترلاسه کړی دی. دغه جرمني دفاعي لوبغاړي په تېر فصل کې د بونډسلیګا د اتلولۍ څخه په دفاع کې د بایرن میونیک له پاره مهم رول اداء کړی. هغه 42 لوبې په ټولو ټورنمنټونو کې د دې کلب لپاره وکړې.

دا معلومات د دې تصدیق کوي، چې نیکلاس سولي کولای شو، د یوفا له لوري د تېر فصل د غوره څهرو په ډله کې واخیستل شي. خو دا لوبغاړی حتی په اخیرو دریو غوره کاندید لوبغاړو کې هم نه و، چې ویرجیل فن ډایک، ټرنټ الکسانډر ارنولډ د لیورپول څخه او ماټیاس ډي لیکټ د یوونټوس څخه د یوفا له خوا درې دفاعي کاندید لوبغاړي وه.

جالبه دا ده، چې کیلیان امباپي د پاریس سېنټ جرمن څخه په 29مه، محمد صلاح په 33مه او رحیم سټرلینګ په 37مه درجه کې دي او په غوره لوبغاړو کې کریسټیانو رونالډو او لیونل میسي نه معلومیږي.

afap_auto_post:
no

ویدیو

سربال/ ویډیو

سربال/ ویډیو

ویدیو لاندې ده - دا ډول سربال به مو لا نه وي لیدلی…

د ۲۰۱۹ نړیوال جام پرانیستونکې مراسم

د ۲۰۱۹ نړیوال جام پر…

د ۲۰۱۹ د کرکټ نړیوال جام سیالۍ په انګلیستان او ویل…

افغانستان او آیرلنډ / ژوندۍ

افغانستان او آیرلنډ …

د افغانستان او آیرلنډ د کرکټ ملي لوبډلې نن په هند …

د محمد نبي شپږیزې او څلوریزې

د محمد نبي شپږیزې او…

تاند- د افغانستان د کرکټ د ملي لوبډلې تکړه ال راون…

Czx