د ژبې فصاحت او روانتیا/ سید شاه ګل ویاړ

 که څه هم یوه میراثي وړتیا ده چې چا ته انتقالیږي؛خو ډیره په روزنه او مساعدو امکاناتو پورې هم اړه لري. یانې که چیرې د یو چا مور او پلار یا له هغې پورته د ژبې فصاحت، بلاغت او روانتیا ولري، تر ډیره حده يې راتلونکو نسلونو ته دا وړتیا انتقالیږي، خو که مساعد محیط او همدارنګه سالمه روزنه نه وي؛ دا وړتیا يې له خنډونو سره مخ کیږي او ضربه ویني. ارواپوهان يې د سالمې روزنې په اړخ ډیر ټینګار کوي.

مساعد محیط او امکانات:

د ماشوم څرګندونو ته اجازه ورکول که هغه په کور یا ښوونځي کې وي. د ماشوم څرګندونو ته درناوی کول او د هغه تشویقول تر څو په ډیر جرئت خبرې پيل او باالاخره پای ته ورسوي.

که څه هم ماشوم هر وخت زموږ د توقع مطابق څرګندونې نشي کولای،خو په هر حالت کې باید هغه د ده د غلطو څرګندونو په اساس تهدید نه شي،وخت په وخت موقع ور ته برابرې شي تر څو د مختلفو موضوعاتو په اړه خپل نظر له موږ سره شریک کړي. که څه هم ځینې غلط فرهنګي او دودیز مسایل که هغه په ښوونځي،کور یا بل ټولنیز موقعیت کې وي؛ماشوم ته د خبرو کولو اجازه نه ورکوي او که کوم ماشوم خبرې وکړي تهدیديږي یا رټل کیږي چې دا د ماشوم نه د هغه د ژبې فصاحت او د ژبې سلیس والی اخلي، او هغه نازک تار چې د خبرو کولو په وخت کې د دماغ او ژبې ترمنځ غزیږي تر څو هغه مالومات چې زموږ په ذهن کې دي په ژبه راوړل شي،سستیږي او یا هم له منځه ځي.

په داسې حالاتو کې د نوښت قوه، د خبرو پر مهال د فکري قوی تمرکز له منځه ځي او په راتلونکي کې دا کس زړه نا زړه خپلو خبرو ته دوام ورکوي، چې دا زړه نا زړه والی يې د بې جرئتۍ سبب کیږي او باالاخره یو با استعداده کس په يوه بې استعداده کس بدلیږي.

2 comments

  1. ضمیر احمد Reply

    کله چی یو څوک په ماشوم والی کی د دا ډول اعمالو سره مخ شوی وی، او نتیجه بی جرایتی شی، نو له هغی وروسته ورته څه کول پکار دی، یانی د بی جراتۍ مخنیوی وروسته له ماشومتوبه په زلمیتوب کی څنګه کیدای شی؟؟

    1. سید شاه ګل ویاړ Reply

      ضمیر احمد ورور په نږدې راتلونکي کې به انشاءالله د بې جرئتۍ او د هغې د درملنې په اړه یو مقاله په همدې تاند کې خپره کړو

Leave a Reply

Your email address will not be published. Required fields are marked *

Loading...