Categories

اعلان

Loading…

د پېښور پر کرنیز انستیتیوت د طالبانو په برید کې لږترلږه ۹ تنه وژل شوي

تاند- د پېښور د کرنې د روزنې د انستیتیوت پر لیلیې د نن ورځې په وسله واله حمله کې لږترلږه ۹ تنه وژل شوي او ۳۷ نور ژوبل دي.

چارواکي وايي، ممکن د تلفاتو شمېر تر دې زیات وي.

وسله والو طالبانو د دې برید، چې سهار وشو، مسوولیت په غاړه اخیستی دی.

د حیات اباد روغتون ريیس شهزاد اکبر وویل چې دغه روغتون ته د ۶ تنو مړي او ۱۸ ټپیان وررسول شوي دي.

د خیبر روغتون مسوولان وايي چې د ۳ تنو مړي او همداراز ۱۸ ټپیان ورلېږل شوي دي.

د پاکستان پوځ وايي چې په حمله کې ۲ پوځیان ژوبل شوي او پوځي روغتون ته لېږل شوي دي.

روغتوني سرچینې وايي چې په ټپیانو کې ۷ محصلان، یو د فرنټیر کور ملېشه، یو پولیس، یو د انستیتیوت ساتونکی او یو ژورنالیست شامل دي.

د پاکستان پوځ وايي چې ۳ تنه وسله وال حمله کوونکي یې وژلي او حمله پای ته رسېدلې ده. پوځ دغه راز ویلي چې حمله کوونکو بورقې اغوستې وې.

پرون په جنوبي وزیرستان کې یوې چاودنې ۵ تنه ووژل. په وژل شویو کې د سولې د کمېټې مشر هم شامل دی.

6 total views, 1 views today

Leave a Reply

Your email address will not be published. Required fields are marked *