Categories

اعلان

Loading…

د امریکا سفارت: د افغان مذاکراتي پلاوي کلک ملاتړ کوو

د امریکا سفارت: د افغان مذاکراتي پلاوي کلک ملاتړ کوو

تاند، پنجشنبه، د حمل ۱۴مه: په افغانستان کې د امریکا د سفارت سرپرست راس ویلسن وايي، د افغان دولت له مذاکراتي پلاوي څخه په کلکه ملاتړ کوي. راس ویلسن نن پنجشنبه په یو ټویټ کې ویلي، پر یووالي، چمتووالي، مؤثریت او…

02 Apr 2020 خبرونه م. عاصم خوږیاڼی No comments

نور

د وېښتو د تویېدو او ګنجي توب د مخنیوي چاره وشوه

تاند- د جنوبي کوریا د یونسي پوهنتون څېړونکو د نارینه وو د وېښتو د تویېدو او ګنجي کېدو درمل وموندل.

دوی وايي چې پر موږکانو یې دا درمل ازمویلي چې ښه نتیجه یې ورکړې ده.

د ساینس ډیلي ورځپاڼې د راپور له مخې، دا درمل، پر دې سربېره چې د وېښتو د تویېدو بهیر دروي، د نویو وېښتو د راشنه کېدو سبب کېږي.

د نارینه وو د سر د وېښتو تویېدا ډېره عامه ده او ډېر ګنجي کېږي.

د جنوبي کوریا د یونسي پوهنتون څېړونکي وايي، د دوی له لوري جوړ شوي درمل د ښځو د وېښتانو له ودې سره هم مرسته کوي.

دوی وايي، د څېړنو په ترڅ کې یې د (CXXC5) په نوم پروتین وپېژندل. کله چې دا (CXXC5) پروتین له یوه بل پروتین سره، چې (Dishevelled) نومېږي، یوځای شي، د نویو وېښتو د راشنه کېدو مخه نیسي او په نتیجه کې یې وېښته وده نه کوي.

د جنوبي کوریا څېړونکو د وېښتانو د تویېدو د مخنیوي لپاره د (PTD-DBM ) په نوم ماده جوړه کړې چې د یادو شویو دوو پروتینونو د یوځای کېدو مخه نیسي.

څېړونکو په لومړي ګام کې دا ماده د بې وېښتو یا پکو موږکانو پر پوستکي د ۲۸ ورځو لپاره وازمویله چې مثبته نتیجه یې لرله.

دا طریقه سربېره پر دې چې د ګنجي توب درملنه کوي، د پوستکي زیانمن شوي نسجونه هم ترمیموي او د وېښتو وده پیاوړې کوي.

Leave a Reply

Your email address will not be published. Required fields are marked *