Categories

اعلان

Loading…

کودتا ولې کوي؟ || ابراهیم ایمان

دا څو ورځې د ولسي جرګې ځینو وکیلانو انډوخر جوړ کړی دی، کله د حکومت په ضد  غونډې کوي او کله په خپلو منځونو کې سره په جنګ وي، دوي چې د ولس استازي دي نو بیا یې د ویده ولس نه څه ګیله ده، دا به را سره منی چې په روان جنګ کې د همدې خلکو لاس شته خو افسوس چې حکومت مو دومره کمزوری دی چې دوی د لاسه نشي نیولی تر څو د  تورو پنجرو شاته یې واچوي.
پروان کې د نجراب یوه قومندان د مشرانو جرګې په مشر تور پورې کړی دی چې ګواکې دی د وسلوالو سره مرسته کوي، خو حکومت هيڅ سر نه ښوروي چې دا خبره وپلټي چې دا رښتیا ده که هسې تور دی.
بله ډلګۍ کندهار ته تللې وه او د حکومت په ضد یې غونډکۍ جوړه کړي وه، د خوست وکیل او د ولسې  جرګې لومړي مرستیال د سپینې کودتا ګواښ حکومت ته وکړ، خو ولسمشرۍ ماڼۍ یوازې دا خبره خندونکې هم ونه بلله، د  کندهار یو غټ ورمیږي وکیل کندهاریان په داسې خبرو تحریکول چې ګواکې د لوی کندهار کدرونه حکومت د لوړو پوسټونو څخه لرې کوي.
زه دوي ته حیران یم چې کله دوی  په ارګ کې ننوتل او وتل هغه وخت هیڅ نه وو خو چې کله یې دوی د ارګ لوی کمیشنکاران وبلل او ولسمشر  ته د ټولو څیرې بربنډې شوې نو ولسمشر خراب اومتعصب شو… 
دوی  هغه  ځای ګروي چې نه تخنیږي؛ الکوزي شرکت ته ولسمشر ځمکه ورکړه همدا خلک د ایران او پاکستان  په اشاره جګ شول په ولسمشر یې نیوکې پیل کړې چې ولې دې ځمکه ور کړي ده داسې دي او هسې دي!
خو زما بې شعوره ولس تر اوسه خپل خیټور استازي نه دي پیژندلي او دوي داسې خلک دلته رالیږلي دي چې خپل جیب او کور ته کار کوي، په سفارتونو کې د خپل غریب ولس په سر  معاملې کوي، کله یې په چا خرڅوي او کله یې هم په چا!
خو زموږ ولس یا نه دي پیژندلي که پیژندلي یې هم وي نو باید بیا په داسې خلکو اعتبار ونه کړي، دا وار باید ولس داسې خلک را ولیږي چې په ریښتیا د دوی د حقونو نه دفاع وکړي، نه داسې خلک چې د دوی حق په بل چا وپلوري.
زموږ ولس په ورځ کې سل واره خرڅیږي، په حق یې معاملې کیږي، بورسونه یې په بازارونو کې خرڅیږي او استازي یې خپل عیش او عشرت پرې کوي؟
 که ولس ویښ  نه شي، دا وارې مخلص او په وطن  مین استازي را ونه لیږي نو ولس بیا خپله خپل ځان په نورو خرڅوي.
پاتې شوه د تورې او سپینې کودتا خبره زه حیران دې ته یم چې دوی کودتا ولې کوي او په چا یې کوي؟ دوی خو دی سبا ته زر نفر د یوې مظاهرې په بڼه را وباسې بیا به یې موږ هم ومنو، موږ د  احمد ضیا او نورو ټرتو لغتو ملیوني لاریونونه (!) ولیدل چې حکومت یې چپه کړ.
دا خلک چې داسې خبرې کوي خرڅ شوي عناصر دي، د نړۍ په یوه هیواد کې هم د ولس استازي نه دي جګ شوي، او حکومت ته یې داسې ګواښونه نه دي کړي بلکه خلک خپلو حکومتونو ته ارتقا ورکوي خو زموږ څو نفر د پردیو په اشارو خپل مشروع حکومتونه نړوي .
دوي تاریخ ته نه دي کتلي چا چې مشروع حکومتونه ړنګ کړي دي سرنوشت يې داسې شوی دی لکه د سقاو زوی او داسې نور.

240 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2