Categories

اعلان

Loading…

امریکا په افغانستان کې د نفوذي حملو لپاره نوی پلان جوړ کړی

تاند- امریکا پر افغان او بهرنیو پوځیانو د نفوذي عناصرو د حملو د مخنیوي لپاره د «ساتونکې پرښتې» په نوم یو پلان پیل کړی دی.

این بي سي نیوز له کندهار څخه په یوه راپور کې وویل، امریکايي پوځیانو د ساتونکو پرښتو پروګرام د جنوب په اډه کې د افغان او بهرنیو پوځیانو د ساتنې لپاره عملی کړی دی.

د افغان امنیتي ځواکونو په اډو کې په ځلونو پر بهرنیو روزونکو او پوځیانو د طالبانو د نفوذي کسانو له لوري بریدونه شوي دي.

د سږ کال په جون کې د افغانستان په شمال کې ۷ امریکايي پوځیان د یوه نفوذي عنصر په برید کې ژوبل شول، ورپسې د افغانستان په ختیځ کې ۳ امریکايي پوځیان په ورته برید کې ټپیان شول.

خو اوس چې د امریکايي پوځیانو او روزونکو شمېر زیات شوی، د دا ډول بریدونو د ډېرېدو امکان نور هم زیات شوی دی.

له دې ډول حملو سره د مقابلې لپاره د افغانستان په جنوب کې د ناټو نیمايي پوځیان کار کوي.

ادعا کېږي چې سږکال په افغانستان کې تراوسه پورې ۵۴ نفوذي حملې شوي دي. اکثره حملې پر افغان اردو او پولیسو شوي دي.

د افغانستان د بیارغونې لپاره د امریکا د سرمفتش د راپور پر اساس د سږ کال په لومړیو ۶ میاشتو کې پر امریکايي پوځیانو د نفوذي عناصرو ۶ حملې شوي چې ۳ تنه پکې وژل شوي او ۱‍۰ نور ژوبل دي.

دوی وايي چې دا ډول حملې نه یوازې د افغان او نړیوالو ځواکونو د مرګ ژوبلو سبب کېږي بلکې د ځواکونو په منځ کې بې باوري زیاتوي.

325 total views, no views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2