Categories

اعلان

Loading…

سرخط؛ همګرايانو د حکمتيار ټول پلويان له اجراييه رياسته شړلي

وروسته له هغه چې عبدالهادي ارغندیوال د انجينر ګلبدين حکمتيار په مشرۍ له حزب اسلامي لاره بېله کړه او د انجينر محمد خان په ګډون يې څو پخواني حزبيان په ځان پسې کړل، د اجراييه رياست لومړي مرستيال محمد خان له دغه رياسته ټول هغه حزبيان شړلي چې لا هم د حکمتيار پلويان پاتې وو او له ارغنديوال سره يې غاړه نه وړه.

دوی ته دوه انتخابه ورکول شوي چې يا دې په ارغنديوال پسې شي او له انجينر محمد خان سره دې په اجراييه رياست کې پر دندو پاتې شي او که دا فرمايش نه مني؛ نو څوکۍ به خوشې کوي.

هغه مهال چې ارغنديوال له جمعيت سره په ټاکنو کې غوږ وجنګاوه، د حزب اسلامي له لوري يې انجينر محمد خان د ډاکټر عبدالله عبدالله لومړی مرستيال خوښ کړ او په دې توګه د حزب پرېمانه غړي له همګرايانو سره يوه ځای او وروسته په اجراييه‌ رياست کې د جميعت له کسانو سره برتۍ شول، خو وروسته چې د حزب اسلامي مشر ګلبدين حکمتيار سوله وکړه او وطن ته راغی، ارغنديوال ورڅخه لاره بېله کړه او په دې توګه په اجراييه رياست کې شته حزبيان هم په خپلو کې سره ښکر په ښکر شول.

انجينر محمد خان چې د ارغنديوال پر کوټه برکت وايي، د اجراييه رياست ټولې څوکۍ د ده او ارغنديوال د ملاتړو حق بولي او هغه کسان يې له يوې مخې له دغه رياسته شړلي چې ارغنديوال يې د خپل سياسي مشر په توګه نه مانه او لا هم له حکمتيار سره پاتې وو.

په اجراييه رياست کې له لويه سره همګرايانو دندې او څوکۍ د وړتيا، ژمنتيا، کاري تجربې او لايقت په اساس نه، بلکې د سليقې په اساس پر هغو کسانو ووېشلې چې د دوی خوښ وو او اوس يې پرته له دې چې قانوني پروسه په نظر کې ونيول شي، همداسې يې هغه کسان يو په بل پسې له دندو ګوښه کړي دي چې د دوی خوښ نه وو.

سرخط ته د په لاس ورغليو مالوماتو په اساس، همګرايانو د حکمتيار د پلويتوب په جرم تر اوسه پورې له اجراييه رياسته د قومونو او قبايلو په چارو کې مشاور ډاکټر سیف الدین عمرخېل، په امنيتي چارو کې مشاور ډاکټر محمد موسی خاورین، د مطبوعاتو امر اسد الله شهاب، د نشراتو مدير خليل احمد کاریاب، د جنډر غړې بي بي هاجره، د امنيتي چارو د مشاور موټر چلوونکی شکور الله خان، د امنيتي چارو د مشاور ساتونکی محمد اسماعيل، د امنيتي چارو د مشاور بل ساتونکی رحیم الله، د قومونو او قبايلو چارو د مشاور موټر چلوونکی محمد فېروز، د قومونو او قبايلو چارو د مشاور ساتونکی شفیق الله او د محمد خالد په نامه د اداري امريت يو تن کارکوونکی له دندو ګوښه کړي دي.

په دې سربېره، د اجراييه رياست مشاور قاضي نجي الله، ذاکر او د قاضي نجي الله يو تن سکرټر هم په دغه اړ و دوړ کې خپلې دندې داو کړې دي.

د انجينر محمد خان په خوښه له دندو په ګوښه شويو کسانو کې ځينې داسې ځوانان هم شته چې د حکمتيار په مشرۍ د حزب اسلامي غړيتوب نه لري، خو ده همګرايانو ډلې ته داسې کسانو ورپېژندلي وو چې هغوی د حکمتيار پلويان دي.

انجينر محمد خان وېرېده چې دغه ځوانان به هم د حکمتيار د ډلې غړي وي.

خو د ښاغلي محمد خان مطبوعاتي مشاور عمرخېل بيا دا نه مني چې ګواکې دوی دې په دې خاطر څوک منفک کړي او له دندو شړلي وي چې د حکمتيار پلويان دي.

دی وايي، خلک تللي، خو ځينو د ځينو شخصي ستونزو له امله استعفاوې ورکړې او ځينې نور بيا بهر ته تللي دي.

سرخط ورځپاڼه

383 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2