Categories

اعلان

Loading…

انسان د انسان دوزخ دی | سیداصغر هاشمي

الله تعالی انسان ته ټولې ستونزې په تقدیر کې لیکلي وي، خو کومې ستونزې چې انسان ته رسېږي، د انسان په واسطه وي.

هر انسان د بل انسان جنت هم جوړېدای شي او که د انسانیت له دایرې ووځي نو بیا همدا انسان د انسان دوزخ جوړېږي.

دوزخ یوازې په اور کې د اچولو په معنا نه دی، بلکې ځينې داسې ستونزې هم شته، چې انسان په اور نه سوزول کېږي خو له اوره بتر وي.

که د یو چا حق خوړل کېږي او د ده اولادونه د شپې ډوډۍ و نه لري د دوی لپاره له دې لوی دوزخ چيرته دی.

انسان هغه فکر مند او پوه ژوی دی، چې لکه نورو حیواناتو خوړل(داړل) نه کوي خو د دوی زیان رسونه له حیواناتو څو مرتبې بتر دی. حیوان چې وږی شي نو مجبوره شي چې تا ته زیان ورسوي خو انسان چې څومره مړيږي په هماغه اندازه وږی کېږي، د حیوان سولې مړيږي خو د انسان مړښت له مرګه وروسته په خاورو باندې وي او چې کله ترې روح لاړ شي نو بیا انسانانو ته زیان رسولی نه شي نو ځکه ورنه خلک په امان کې شي او که د مرګه وروسته یې په واک کې د زیان رسولو قوت وي نو بیا هم انسانانو ته په زیان رسولو درېغ نه کوي.

په اوسني شرایطو کې هر چېرته چې ګورم اکثره انسانان د نورو انسانانو غیبت کوي، د نورو پسې بدې ردې وايي، د مالدار صفت د پیسو لپاره کوي، د موقف خاوند یادونه د موقف لپاره وي او همدارنګه په سلګونو ډوله بې معنا صفتونه کوي، کله مو هم د انسان ستاینه د ده د فکر او پوهې په نظر کې نیولو سره ونه کړه، نه مو لیاقت وپېژنده او نه انسان. نه د پوهې په قدر او قیمت پوه شو او نه مو د پوهانو قدر وکړ. دا چې د پوهانو قدر نه کوو او د ناپوهانو په ستاینې مو خولې ستړې شوې دا پخپله هغه انسانان دي چې بیا هم د انسانانو دوزخونه دي، هغه چې د ستاینې لایق دی غندو یې او هغه چې د غندلو لیاقت لري چاپلوسي یې کوو.

د اور ټپ تداوي کېږي خو ځینې انساني دننني ټپونه جوړښت نه لري، که اور انسان ته زیان رسوي په حقیقت کې عقل او پوهه نه لري او د دې دا کار یو غیر ارادي عمل دی خو انساني ټپونه هغه دردونه او کړاوونه دي چې په ارادي ډول د اشرف المخلوقات(انسانانو) پواسطه سرته رسېږي او د ده واک پکې حتمي دی، د جبر او اختیار په فلسفه کې دا اختیار انسان ته ورکړل شوی دی چې د نورو انسانانو سره ښېګڼې کوي او که ستونزې ورته پيدا کوي، خو له دې اختیاره انسانان بده ګټه اخلي.

ای انسانه ستا د نوم معنا سپیڅلتیا ده، په تا کې باید ټولې انساني ښېګڼې موجودې وي، ته باید انسان، حیوان او نبات ته خیر ښېګڼه ورسوي، ته خوشحالي یې، مینه یې، کامیابي یې او نور … خو تا د خپل نوم معنا په نظر کې ونه نیوله، انسانانو ته د ګټې پر ځای زیان رسوې، د خوشحالۍ پر ځای خفګانونه ورکوې، د مینې پر ځای نفرتونه خپروې، څه چې ځان ته خوښوې بل ته یې نه غواړې.

انسانه! انسانانو ته جنت شه چې خوشبويي دې حس شي، د شيدو، اوبو او شرابو له ویالو دې ګټه واخیستل شي، مرګ نست شي او ژوندون دایمي شي او ټول خوشحاله یو ځای ژوند وکړي.

580 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2