Categories

اعلان

Loading…

د جلال اباد په انتحاري برید کې ۸ تنه شهیدان شوي

تاند- په جلال اباد ښار کې نن /پنجشنبه/ په یوه انتحاري حمله کې لږترلږه ۸ تنه شهیدان او ۱۵ نور ژوبل شول.

د ننګرهار امنیتي چارواکي وايي، برید د ماسپښین په ۳ بجې د سیمه ییزو پولیسو د قوماندان شیخ اکرم د کور مخته وشو.

امنیتي چارواکي وايي، انتحاري حمله کوونکي ځان د قوماندان اکرم د پلویانو لور ته نژدې کړ او واسکټ یې وچاوداوه.

د شیخ اکرم کور د جلال اباد ښار د کمپنو په سیمه کې دی.

د ننګرهار د والي ویندوی عطا الله خوږیاڼي وویل چې په دې برید کې ۶ ملکیان وژل شوي او ۸ نور ژوبل دي.

خو د ننګرهار د عامې روغتیا رییس نجیب الله کامه وال وايي چې روغتون ته د ۸ تنو مړي ا ۱۵ ټپیان وروړل شوي دي.

تراوسه کومې وسله والې تروریستي ډلې د حملې مسوولیت منلی نه دی.

227 total views, 1 views today

Leave a Reply

Your email address will not be published. Required fields are marked *