Categories

اعلان

Loading…

د انترنیټ پر یوه نوي نسل کار روان دی

تاند- د ټکنالوژۍ یوه کمپنۍ د امریکا له پوځ سره د انترنیټ د یوه نوي نسل یا جینرېشن پر جوړولو کار کوي.

دا شبکه به په یوه ثانیه کې د ۱۰ ګیګابایټ ډاونلوډ په سرعت له ۱۰۰ ملیارد وسیلو سره وصل کېدای شي.

د ټیلګراف ورځپاڼې د راپور له مخې، سامسونګ کمپنۍ د امریکا له پوځ سره د دې شبکې په جوړولو کې همکاري کوي.
دوی وايي، هدف یې دا دی چې جي ۵  (G5) وازمويي او پراخ بانډ او فوق العاده سرعت ولري.

دا سیستم له یوه کوچني انتن څخه په استفادې په مځکه یا هوا کې د دوو مایکروسیګنل برجونو ترمنځ معلومات په خورا سرعت لېږدوي.

دا طریقه د جي ۵ ځینې اساسي ستونزې ختموي.

که دا پروژه بریالۍ شي نو په هره ثانیه کې به یو ګیګابایټه معلومات ولېږدوي. حال دا چې په جي ۴ اینترنیټ کې ډېر تر ډېره په یوه ثانیه کې ۳۵۰ میګابایټه معلومات لېږدول کېدای شي. ۱۰۰۰ میګابایټه له یو ګېګابایټ سره برابر دي.

په دومره سرعت یو اوږد ایچ ډي فلم په څو ثانیو کې ډاونلوډ کېږي.

د جي ۵ انترنیټ سرعت تر جي ۴ لږترلږه ۱۰۰ برابره زیات دی له همدې کبله په یوه ثانیه کې د ډوانلوډ په ۱۰ ګیګابایټ سرعت لږترلږه ۱۰۰ ملیارده وسیلې سره نښلولی شي.

متخصصان اټکل کوي چې ښايي جي ۵ ټکنالوژي د ۲۰۲۰ تر المپیک پورې په تجاري ډول راووځي.

6 total views, 1 views today

2 comments

  1. حامد ننګرهاری Reply

    یو ګیګابايټ د ۱۰۲۴ میګابایټ سره برابر دی.

  2. Mukhtar Reply

    Data Measurement Chart
    Data Measurement Size
    Bit Single Binary Digit (1 or 0)
    Byte 8 bits
    Kilobyte (KB) 1,024 Bytes
    Megabyte (MB) 1,024 Kilobytes
    Gigabyte (GB) 1,024 Megabytes
    Terabyte (TB) 1,024 Gigabytes
    Petabyte (PB) 1,024 Terabytes
    Exabyte (EB) 1,024 Petabytes
    By Mukhtar Durrani.

Leave a Reply

Your email address will not be published. Required fields are marked *