Categories

اعلان

Loading…

وړي مې/ د ګلالۍ احد شعر

زه چې نه یم ته د شپې تر ډیره ناست یې

 زه چې نه یم ته وختي له خوبه پاڅې

 چې زه نه یم ته د لمر غېږ کې ‌‌‌‌‌‌ډوبېږې

 بیا تیاره له ځانه تاو کړې

 له شفق سره ځلېږې

 ما وې پښې به دې لټون کې وي تڼاکې

 خو ته غره سره ودرېږې

 ته چینې سره ګ‌‌‌‌‌‌ډېږې

 ته چې نه یې زه هم ‌‌‌ډېره د شپې ناسته

 ځانله نه یم انتظار مې راشي خوا ته

 ماته ماته مې را ټوله کړي سینې ته

 غلې خوله کړي رانېږدې زما خولګۍ ته

په تلوار یې ګرانه وشړم له ځانه

په قدم شمه له خوب سره روانه

 دا مې لاس په لاس کې نیسي زنګوي مې

 درنه وړي مې ګوره جانه درنه وړي مې

پای

8 total views, 1 views today

1 comment

  1. سلظان احمدزی Reply

    ډیر عالي خوند یې وکړ.

Leave a Reply

Your email address will not be published. Required fields are marked *