Categories

اعلان

Loading…

د افغانستان اجرايي رييس او د امریکا مرستیال ولسمشر خبرې وکړې

تاند- د امریکا مرستیال ولسمشر مایک پینس نن /جمعه/ په سپینه ماڼۍ کې د افغانستان له اجرايي رييس عبدالله عبدالله سره وکتل.

د سپینې ماڼۍ د ویبپاڼې له مخې، مایک پینس او ډاکتر عبدالله د افغانستان پر سیاسي حالاتو خبرې وکړې او ښاغلي پینس د ولسمشر محمد اشرف غني ترڅنګ د عبدالله همکاري ارزښتناکه وبلله.

دوی د جنوبي اسیا لپاره د ولسمشر ډانلډ ټرمپ د وروستۍ ستراتیژۍ او د افغانستان پر امنیت د هغې د اغېز په اړه هم خبرې وکړې.

د امریکا مرستیال ولسمشر د القاعده او داعش په شان د نړیوالو تروریستانو او یاغیانو پر ضد د افغان امنیتي ځواکونو مبارزه او قربانۍ وستایلې.

د متحدو ایالتونو مرستیال ولسمشر د اصلاحاتو پر دوام او د راتلونکو انتخاباتو لپاره د تیاریو پر اړتیا ټینګار وکړ، ویې ویل چې دا ټول د افغانستان د لا زیات ثبات او فرصتونو لپاره مهم دي.

د افغانستان اجرايي ريیس د امریکا او افغانستان ترمنځ د تلپایه مشارکت او همکارۍ پخلی وکړ.

15 total views, 2 views today

Leave a Reply

Your email address will not be published. Required fields are marked *