Categories

اعلان

Loading…

جاپاني ترانسپورتي کمپنۍ د ۲۰ ثانیو په خاطر بخښنه وغوښته

تاند- په جاپان کې د رېلګاډي شرکت په دې خاطر چې یو رېلګاډی یې تر ټاکلي وخت ۲۰ ثانیې مخکې روان شوی و، له خلکو بخښنه وغوښته.

د توکیو او څوکوبا (Tsukuba ) ښارونو ترمنځ د تګ راتګ کوونکي رېلګاډي د څوکوبا ایکسپریس اداره وايي «په دې خاطر خلکو ته د رسېدلي تکلیف له کبله له زړه بخښنه غواړو.»

شرکت په خپله اعلامیه کې ویلي، ټاکل شوې وه چې رېلګاډی د سهار په ۹ بجې، ۴۴ دقیقې او ۴۰ ثانیې روان شي خو د دې پر ځای په ۹ بجې، ۴۴ دقیقې او ۲۰ ثانیو یې حرکت کړی دی.

د نړۍ په ګڼو نورو هیوادونو کې د جاپاني رېلګاډي شرکت پر بخښنې خلکو راز راز غبرګونونه ښودلي دي. ډېرو د جاپان د دې شرکت اقدام ستایلی دی.

خو په جاپان کې دا یوه نادره پېښه ده چې رېلګاډی تر ټاکلي وخت مخکې حرکت وکړي.

75 total views, 4 views today

Leave a Reply

Your email address will not be published. Required fields are marked *