Categories

په ایران کې د وروستۍ زلزلې د تلفاتو شمېر سلګونو ته ورسېد

تاند – د افغانستان په ګاونډي هېواد ایران کې د وروستۍ زلزلې د مړو او ټپیانو شمېر نور هم زیات شو.‌

د دغې زلزلې شدت د ریکټر په کچه ۷.۳ درجې وو او زور یې تر ډېره د ایران په غرب او د عراق په شمال شمال ختیځ کې احساس شو چې ګڼ شمېر خلک یې سلګونه کسان یې مړه او زرګونه نور ټپیان کړل.‌

ایراني رسنۍ وایي، چې د ایران په کرمانشاه او ایلام ولایتونو کې له دې امله سبا سې شنبه /د نومبر ۱۴مه/ د ښوونځيو رخصتي اعلان شوې ده.

د رسنیو د راپورونو په اساس، په ایران کې د زلزلې په نتیجه کې د مړو شمېر ۳۲۸ تنو ته رسېدلی خو دا شمېر مخ په ډېرېدلو روان دی. همدارنګه ویل کیږي چې څه کم ۴ زره کم ټپیان دي.

اخوا بیا په عراق کې چې د زلزلې د تمرکز دویم هېواد وو یوازې ۶ کسان مړه او لږ تر لږه ۵۰ کسان ټپیان شوي دي.

Leave a Reply

Your email address will not be published. Required fields are marked *