Categories

اعلان

Loading…

سرخط؛ تازه‌دمي سرتېري به د جګړې اور ته نور هم پوکی ورکړي

د پنجشنبې په ورځ په بروکس کې د ناټو د نهه ويشتو غړيو هېوادونو د دفاع وزيرانو پرېکړه وکړه چې ناټو به افغانستان ته درې زره تنه نور جنګيالي لېږي چې له ترهګرو جګړه وګټي.

تر دې وړاندې د متحده ايالاتو ولسمشر ډونلډ ټرمپ هم ټټبر ډبولی و چې څلور زره امريکايي سرتېري به افغانستان ته لېږي.

په دې توګه د اوه زره بهرنيو سرتېريو په زياتېدو، په افغانستان کې د بهرنيو سرتېريو شمېر شپاړس زره تنو ته رسېږي.

که څه هم دغه سرتېري د جګړې ډګر ته نه ځي او يوازې به افغانستان سرتېري روزي، خو پر جګړه او نااميو د پام وړ اغېز کوي.

تر ټولو جدي اندېښنه دا ده چې د بهرنيو سرتېريو په زياتېدو په افغانستان کې جګړه نوره هم تودېږي.

دغه کسان روباټان او ماشينان نه دي چې را مو وړل په يوه کونج کې مو ودرول، خلاص. دا انسانان دي، ګرځي به، له يوه ځايه به بل ته ځي، ځانمرګي بريدونه به ورباندې کېږي، طالب جګړه‌مار قوماندانان به خپلو بړېڅو ته د دوی دومره زيات شتون د هېواد په لا کلک اشغال تعبيروي او هغوی به جګړې ته نور زور هم ورکوي.

بهرنی خو په مرمۍ او بم ضد موټر کې سپور وي، نه يې د توپک مرمۍ خوري، نه يې ځانمرګی موټر بم ويجاړولای شي، خو چې د ښار په منځ کې ورباندې بريد وشي، اندام اندام پکې د افغانې مور اولادونه وي.

که د افغانستان جګړه د بهرنيو سرتېريو په زياتېدو ګټل کېدای، خو هغه دی په لومړيو کلونو کې په افغانستان کې د بهرنيو سرتېريو شمېر د يو نيم لکو په شا و خوا کې و، څه يې وکړل؟

هغه مهال هم جګړه همداسې توده روانه وه، همداسې بريدونه ورباندې کېدل، همداسې مو ولايتونه او ولسوالۍ د سقوط له ګواښ سره مخ وې، اوس هم حالت هماغه ډول دی.

وروسته چې په افغانستان کې د بهرنيو سرتېريو شمېر کم شو، که څه هم ناامنۍ پر خپل حال پاتې وې، د افغانستان په جګړه کې د بهرنيانو د مرګ ژوبلې ګراف ښه راټيټ شو. په ښارونو کې د پخوا په څېر بهرني سرتېري نه ګرځېدل چې ځانمرګي ورباندې وشي.

موږ نه وايوو چې افغانستان ته د تازه دمو بهرنيو سرتېرو راتګ بېخي فايدې دی، موږ وايو ګټه يې کمه ده.

د دفاع وزارت د ناټو دغه پرېکړه ستايي او په افغانستان کې د بهرنيو سرتېريو د شمېر زياتوالی يوه اړتيا بولي، خو جانبي عوارضو ته فکر نه کوي.

موږ قوي سرتېري لرو، په لوړ مورال جنګېږي، په وار وار يې ثابته کړې ده چې پر هر ميدان يې د دوښمن ورمېږ تاو کړی او خوله په خاورو ور لړلې ده، خو لاس يې تش دی.

زموږ سرتېري زړور دي، خو په ګېډه نه دي ماړه. اتلان دي، خو په يو غړپ اوبو پسې حيران دي. پر وطن سرونه ږدي، خو د چانټې مرمۍ يې پر دوښمن پلورل کېږي او بيا بېرته په هماغې خپلې مرمۍ شهيد دی.

درېشي يې اغوستې، خو د ده په لاس کې تر شته توپک، دوښمن قوي وسله په لاس کې نيولې ده.

د ملي دفاع وزارت د دې پر ځای چې د بهرنيو سرتېريو ډېرېدو ته څڼې وغورځوي، له ناټو څخه دې وغواړي چې د افغان سرتېريو تجهيز ته کار ووايي.

موږ باور لرو چې که مو سرتېريو ته سمې وسلې ورکړل شي، خاين قوماندانان يې محاکمه شي او فساد له بېخه وايستل شي، د سيمې په کچه به يو جانانه، ځوانمرد او قوي پوځ ولرو.

په دې سربېره دې حکومت د ټرمپ هغه وينا ته چکچکې نه کوي چې وايي، عسکر زياتوم، پوه دې يې کړي چې پر افغانستان د فشار زياتوالی او تر ډېورنډ کرښه پورې غاړه د طالبانو پټن‌ځايونه په نښه کول، د سرتېريو تر رالېږلو ډېر ګټور تمامېږي.

سرخط ورځپاڼه

168 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2