Categories

زما ژوند | مریم علي خان

دقیقه تېره نه وه چې ور یې راخلاص کړ، له ستړي مشۍ وروسته یې بلنه راکړه او ویی ویل: ــ دې کوټه کې کښینه؛ زه 2 دقیقو کې راځم؛ هاخوا دېخوا مې کتل، د توشکې یوې څنډې ته مې پام واوښت چې کتابچه پری پرته وه، د کتابچې پر سر په شین قلم لیکل شوي وو (زما ژوند). دې عنوان زه ورجذب کړم او په زړه کې مې وسوسه شوه چې دننه به پکې څه لیکل شوي وي؟ په دې ښه پوهیدم چې د نورو له اجازې پرته د هغوى څیزونو ته لاس وروړل ښه نه دي خو رنګارنګ فکرونه سبب شول چې کتابچه پرانیزم. لومړي مخ کې مې ولوستل:

ـــ زما خوږ پلارجانه! ډیر مې یادیږې، الله دې وبخښه، تل درته دعا کوم، ورور مې دې هم الله وبخښي؛ هغه ته هم له الله ج نه جنت غواړم. مور مې هم تل الله ته سوالونه کوي… دا پاڼه مې نیمه نالوستې پریښوده او د دې لپاره چې هغه ژر رانشي بله ورقه مې واړوله.

ـــ جانانه! الله به خیر کړي، ته اندیښنه مه کوه، که الله ج غوښتل دا دښمني به هم پای ته ورسیږي، الله ج مهربانه دی… د دې لپاره چې د هغې د راتلو نه مخکې د کتابچې په دننه کيسې ځان وپوهوم، ژر ژر مې پاڼې اړولې، خو په هر مخ کې مې تر هر بل توري د الله نوم ډیر تر سترګو شو، داسې چې کتابچې له یې یو ځانګړی ډیزاین ورکړی وو. په همدا وخت کې هغې غږ کړ:

ـــ زما ژوند! کله چې له خامک ګنډلو او کارونو اوزګاره شم بیا د زړه د آرامولو لپاره ولیکم. پداسې حال کې چې د اجازې پرته مې لیکنې لوستې وې او د خجالتۍ احساس مې کاوه خو د کنجکاوۍ له مخې مې ورته وویل: رنګې او پنسل دې نه درلودل چې ټول مخونه دې د الله ج په نامه ډیزاین کړي؟ سترګې یې اوښکو ونیولې، داسې لکه آسمان چې ورېځ ونیسي، په مسکا یې راته مخ کړ:

ـــ هغه ډیزاین نه دى، پلار او ورور خو جنګونو رانه واخیستل زه او مورکۍ خدای پریښودو په داسې دنیا کې چېرته چې په تش غږ هم ښځه وژل کیږي، نو ځکه د ځان د ساتنې لپاره الله الله ډیر یادوو… د دې له اوریدو وروسته د څه ویلو نه وم، بس هغه په بی شمیره ځل د الله لیکل شوی نوم مې په ذهن کې ګرځېده چې دې خپل د سختي، بیچاره ګي او بی وسې په وختونو کې یاد کړي وو. زه چې هم خالي لاس ورغلې وم او هیڅ مرحم راسره نه وو ما هم  ورته وویل: الله دې پر تاسو ورحمیږي! او  ترې روانه شوم.

Leave a Reply

Your email address will not be published. Required fields are marked *

google.com [1], pub-1528507673086054, DIRECT, f08c47fec0942fa0
cavixo.com [2],1366,DIRECT
google.com [1], pub-7980196294731979, DIRECT, f08c47fec0942fa0
smartadserver.com [3],1343,RESELLER
smartadserver.com [3],2875,RESELLER
indexexchange.com [4],179394,RESELLER
contextweb.com [5],560288,RESELLER,89ff185a4c4e857c
pubmatic.com [6],156439,RESELLER
pubmatic.com [6],154037,RESELLER
rubiconproject.com [7],16114,RESELLER,0bfd66d529a55807
openx.com [8],537149888,RESELLER,6a698e2ec38604c6
sovrn.com [9], 257611,RESELLER, fafdf38b16bf6b2b
appnexus.com [10],3703,RESELLER,f5ab79cb980f11d1
ibillboard.com [11], 29038, DIRECT
indexexchange.com [4], 180179, RESELLER, 50b1c356f2c5c8fc
stroeer.com [12], 14214 ,DIRECT
indexexchange.com [4], 183592, RESELLER, 50b1c356f2c5c8fc
Appnexus.com, 1371, RESELLER, f5ab79cb980f11d1
contextweb.com [5], 558750, DIRECT, 89ff185a4c4e857c