Categories

اعلان

Loading…

په بلخ او ننګرهار کې بمي حملو څو تنو ته مرګ ژوبله واړوله

تاند- افغان چارواکي وايي چې په بلخ او ننګرهار ولایتونو کې په دوو بمي حملو کې لږترلږه ۴ تنه وژل شوي او ۵ نور ژوبل شوي دي.

د بلخ ولایت د امنیه قوماندانۍ ویندوی شېرجان دراني وویل، نن /پنجشنبه/ په یوه چاودنه کې، چې هدف یې ظاهراً د بلخ یو سوداګر عبدالغني و، ووژل شو.

د بلخ مرستیال امنیه قوماندان عبدالرازق قادري وویل چې عبدالغني پخوا ملېشه او دغه راز یوه موده د مارمول ولسوال و.

په پېښه کې دوه تنه وژل شوي او دوه نور ژوبل دي.

تراوسه پورې د دې حملې مسوولیت چا په غاړه نه دی اخیستی.

له بلې خوا د ننګرهار په مومندره ولسوالي کې دوه تنه هغه مهال ووژل شول او ۳ نور ژوبل شول چې په یوه حجره کې چاودنه وشوه.

د ننګرهار د والي ویندوی عطا الله خوږیاڼي پېښه تایید کړه خو د نورو جزییاتو په اړه یې څه ونه ویل.

په ننګرهار کې دا ډول اکثره بریدونه داعش کوي خو په بلخ کې عموماً شخصي دښمنۍ د تاوتریخوالي سبب کېږي.

184 total views, 1 views today

Leave a Reply

Your email address will not be published. Required fields are marked *

۸