Categories

اعلان

Loading…

ارګ له ولسي جرګې وغوښتل چې د الیکترونیکي تذکرو په اړه خپله پرېکړه واخلي

تاند- د افغانستان حکومت د ولسي جرګې له لوري د نفوسو د احوال د قانون پر ردېدو عکس العمل وښود.

ارګ نن /سې شنبه/ د ملي شورا له ولسي جرګې وغوښتل چې پر خپله پرېکړه بیا کتنه وکړي او د نفوسو د احوال قانون تصویب کړي.

ولسي جرګې دا قانون تېره اوونۍ له څو میاشتې ځنډ وروسته رد کړ او ویې ویل چې الیکترونیکي تذکره دې په هماغه بڼه ووېشل شي چې دې جرګې پخوا تصویب کړې وه.

د ولسي جرګې له پرېکړې سره سم به په الیکترونیکي تذکره کې د ملیت، دین، او قوم کلمې نه راوستل کېږي. خو د ارګ له لوري په اصلاح شوې بڼه کې دا درې کلمې زیاتې شوې وې.

ګومان کېږي چې دا جنجال به د الیکترونیکي تذکرو د وېش لړۍ نوره هم وځنډوي.

ارګ د ولسي جرګې په مخکینۍ پرېکړه کې له تغییراتو وروسته د نفوسو د احوال قانون تصویب کړ او د عدلیې وزارت په رسمي جریده کې چاپ کړ.

ارګ وايي چې دا قانون د افغانستان له اساسي قانون سره سم اسلامي ارزښتونو ته په کتو چمتو شوی دی.

ارګ هیله لري چې د ولسي جرګې غړي به په خپله پرېکړه کې تغییر راوړي او دا قانون به تصویب کړي.

په وروستیو ورځو کې د افغانستان په یو شمېر ولایتونو کې د ولسي جرګې د پرېکړې خلاف مظاهرې وشوې.

د ولسي جرګې ځینې غړي استدلال کوي چې د الیکترونیکي کارت پر پاسنۍ برخه د افغانستان اسلامي جمهوریت لیکل شوي او همدا کافي ده.

خو د دې نظر مخالفان وايي چې باید په تذکره کې د افغانانو ملي او اسلامي هویت له ورایه وي او د ملیت لپاره افغان او د دین لپاره اسلام ولیکل شي.

دا مسله تخنیکي اړخ هم لري او هغه دا دی چې که په کوچني کارت کې د نوم، تخلص، د پلار نوم، د زېږېدو نېټه، او د زېږېدو ځای ترڅنګ ملیت، دین او قوم هم ولیکل شي باید د الیکترونیکي کارت توري دومره واړه شي چې ښايي په سترګو سم ونه لیدل شي.

391 total views, 2 views today

3 comments

  1. جمال Reply

    د الیکترونیکي تذکرې پر ځای کمپیوټري تذکرې لیکئ چې هم روان دی او هم منطقي. مننه

  2. حسن Reply

    آیا په نړۍ کې به داسې کوم هېواد وي چې اتباع یې د خپل هېواد تابعیت یا نشنلتي ونه لري؟ اوس د نړۍ هرهېواد له ګڼو قومونو نه جوړ شوی دی خو اتباع او افراد یی ټول د خپل هېواد تابعیت لري او په تذکرو کې یې واضیح لیکلي دي.
    زمونږ د ولسي جرګې وکیلان که خپله نه پوهيږي له نورو نړیوالو نه دې زده کړي.
    پریوه واحد محور راټولېدل د ټولو په ګټه ده او ځان ځاني بې اتفاقي د ټولو په تاوان دی. دا محور اسلامیت او افغانیت دی. الهي امر دی :
    قال الله تعالی: «وَاعْتَصِمُوا بِحَبْلِ اللَّهِ جَمِیعاً وَ لاتَفَرَّقُوا» آل‌عمران/103

  3. عبدالرووف لیوال Reply

    داولسی جرګه خو ډیری شوکمارن ،غله اوداړه ماران دی – هسې په دې پریکړې دخلکو پربرخلیک لوبې کوی- که ولسمشر قاطع وی نوباید دتذکروویش ژر تر ژر پیل شی دولس ملاتړ له ده سره دی دهغو اوتوبوتو پسې ګرځیدل دوخت ضایع کول دی

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2