Categories

اعلان

Loading…

په جلال اباد کې د پاکستان د کونسلګرۍ یو مامور ووژل شو

تاند- په جلال اباد کې د پاکستان د کونسلګرۍ یو کارکوونکی نن /دوشنبه/ د نامعلومو وسله والو په ډزو ووژل شو.

پاکستاني رسنیو د وژل شوي دیپلومات نوم جاوید اقبال رعنا ښودلی او ویلي یې دي چې نوموړی په جلال اباد ښار کې د خپل کور مخته وویشتل شو.

د پاکستاني رسنیو په وینا نوموړی له کونسلګرۍ څخه کور ته روان و چې د ماښام په ۶ بجې او ۱۵ دقیقو پرې ډزې وشوې.

خو د ننګرهار چارواکي وايي چې رعنا له ساتونکو پرته بازار ته د سودا رانیولو لپاره وتلی و.

رعنا، چې ګڼې مرمۍ یې پر بدن لګېدلې وې، ځای پر ځای سا ورکړه.

د افغانستان امنیتي ادارو پېښه تایید کړې او خواشیني یې پرې څرګنده کړې ده.

د ننګرهار د والي ویندوی عطا الله خوږیاڼي وویل، حمله کوونکي دوه تنه ول او پر موټرسایکل سپاره ول.

د افغانستان حکومت دا برید په کلکه غندلی دی.

د رعنا مړی د عدلي معاینې لپاره روغتون ته وړل شوی دی.

اقبال د پاکستان د پنجاب صوبې د سیالکوټ اوسېدونکي و او د جلال اباد د کونسلګرۍ د وېزې په څانګه کې یې کار کاوه.

تراوسه پورې هیڅ ډلې د دې برید مسوولیت په غاړه نه دی اخیستی.

تر دې څو میاشتې پخوا په جلال اباد کې د پاکستان د کونسلګرۍ یو مامور پېښور ته د تګ په لاره کې یرغمل شو خو ډېره موده وروسته وموندل شو.

تېره اوونۍ د افغانستان د کونړ مرستیال والي د پېښور په ډبګرۍ کې د نامعلومو وسله والو له لوري وتښتول شو چې لا یې هم درک نه دی څرګند شوی.

پاکستان په جلال اباد کې د خپل دیپلومات وژنه وغندله

د پاکستان صدراعظم او ولسمشر په جلا – جلا پیغامونو کې د افغانستان په جلال اباد ښار کې د پاکستان د سفارت د کارکوونکي وژنه په کلکه وغندله.

د پاکستان د بهرنیو چارو وزارت بیا په یوه پیغام کې د خپل دیپلومات رعنا د وژل کېدو په خاطر د نوموړي له کورنۍ سره خواخوږي او غمرازي کړې ده.

د پاکستان د بهرنیو چارو وزارت مرستیالې تهمینې جنجوعه په اسلام اباد کې د افغانستان د سفارت شارژدافېر احضار کړ او په دې پېښه کې خپل شدید اعتراض ورته څرګند کړ.

هغې له افغانستانه وغوښتل چې د دې برید عاملان ونیسي او د قانون منګولو ته یې وسپاري.

534 total views, 1 views today

3 comments

  1. حسن Reply

    جالبه ده شیطانان هم یو بل سره وژني.

  2. جمال Reply

    حتما به یې په شا کې څه فساد و ځکه یې وژلی دی. ومنئ چې دا خلک څو مخه شیطانان دي.

  3. سلیملن Reply

    هیڅ داسې تروريستي ډله په نړۍ او خصوصا په افغانستان کې نشته چې یا د پاکستان په ولکه کې نه وي او یا د پاکستان بې ارادې کوم عمل وکړي. دا د شک خبره ده چې څنګه د پاکستان دیپلومات په جلال اباد کې د کومې تروریستي ډلې لخوا ووژل شي. دا کوم سیاسي چال دی اوداسې شک شته چې دا شخص ممکن پاکستان پخپله وژلی وي او امکان لري ګوته هند ته ونیسي او یا پرې د افغانستان حکومت بدنام کړي.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2