Categories

اعلان

Loading…

د یونان صدراعظم له افغان ماشوم سره ولیدل او بیرغ یې ورکړ

تاند- د یونان صدراعظم نن /شنبه/ هغه افغان ماشوم خپل دفتر ته وروباله چې څو ورځې وړاندې توکمپالو په اتن کې د هغه د کور شیشې په تیږو ماتې کړې.

یوولس کلن امیر او مور یې په داسې حال کې، چې د یونان د مهاجرت وزیر (Yiannis Mouzalas) بدرګه کاوه، له صدراعظم الیکسیس څیپراس (Alexis Tsipras) سره ولیدل.

صدراعظم افغان ماشوم امیر ته د یونان یو بیرغ د سوغات په توګه ورکړ.

د امیر پر کور توکمپالو د جمعې په ورځ وروسته له دې د ډبرو وارونه وکړل چې ده د یونان په ملي پرېډ کې د دغه هیواد بیرغ په لاس کې واخیست او یو شمېر توکمپالو اعتراض وکړ چې ولې یو بهرنی په پرېډ کې د یونان بیرغ په لاس کې وړي.

امیر ته د بیرغ تېرولو ویاړ په پچه (قرعه کشي) کې ورسېد خو د ښوونځي له لوري نوموړي ته اجازه ورنه کړل شوه چې د یونان بیرغ په پرېډ کې تېر کړي. د دې پر ځای امیر ته د ښوونځي نښان ورکړل شو چې په پرېډ کې یې په لاس کې ونیسي.

دې مسلې په یونان کې پراخ بحثونه وپارول، حکومت او سیاسي ګوندونو د امیر ملاتړ وکړ او توکمپال یې وغندل.

په یونان کې هر کال د دوهمې نړیوالې جګړې په خاطر دا مراسم د اکتوبر په ۲۸ مه جوړېږي.

د یونان د دولتي خبري اژانس (اې این اې) د راپور له مخې، صدراعظم امیر ته وویل«د دې لپاره چې دوی تا ته د یونان بیرغ درنه کړ، زه به یو بیرغ د سوغات په توکه درکړم.»

صدراعظم دغه راز په خپله ټویټر پاڼه کې لیکلي «ځینو کسانو امیر پرې نښود چې د بیرغ تېرولو ویاړ ولري. نن زه ده ته بیرغ ورکوم چې زموږ اصلي ارزښتونه او اصول یې په یاد پاتې شي.»

د امیر کورنۍ له ۱۸ میاشتو راهیسې د یونان په پلازمېنه اتن کې په یوه اپارتمان کې، چې لګښت یې ملګري ملتونه ورکوي، اوسي.

د یونان د نیونازي (طلايي سباوون) ګوند په شمول سختدریځي توکمپال ګوندونه په خپل هیواد کې د بهرنیانو سخت مخالف دي.

605 total views, no views today

1 comment

  1. جمال Reply

    دا څه بې عقل خلک دي.‌د دوی بیرغ یې چې پورته کړی دوی باید ورته خوشحال شي.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2