Categories

اعلان

Loading…

شرم خو لکۍ نه لري! | ابراهیم ایمان

په خوست کې یوه قبیله ده چې آرین یې بولي، کیدای شي نوموړی ټبر په نورو ولایتونو کې هم وي دا ښاخه د سیمې خلک تڼي اصله خوستي بولي، خو دا هم ویل کیږي چې دوی د اریایانو یوه جلا څانګه ده.

زه د آرینو تاریخي شالید ته نه ځم ځکه دا خبره ژورې علمي څیړنې ته اړتیا لري چې که وخت یاري وکړه نو خبرې به پرې وکړو.

اصلي خبره خو داسې وه چې آرینو یو وخت په خپلو کې سلا وکړه چې دا نوم (آرین) به موږ په یو ښه نوم بدلوو! د دې لپاره ټول ټبر پیسې سره واچولې، څلور پنځه غوایان یې حلال کړل او د سیمې ټولو قومونو ته یې خبر ورکړ چې موږ خیرات کړی دی ځکه چې زموږ د خپلې قبیلې نوم نه دی خوښ او غواړو بدل یې کړو. ډلې ډلې خلک ور روان شول او دوی درسترخانونه هوار کړي وو خلکو ته یې ښه ډوډۍ ورکوله.

څو کسانو چې ډوډۍ یې ښه په مړه خیټه وهلي ده د آرینو له خیراته بېرته د کلي په لور روان وو چې په لار کې څو نور ملګري په مخه ورغلي دي او د خیرات نه راروانو ځوانانو باندې یې غږ کړی دی چې چیرې تللي وئ؟

خیراتخورو ورته ویلې وو: آرینو خیرات کړی وو چې موږ ته نور آرین مه وایئ! دهغو خیرات ته تللي وو!

دا خبره نن په افغانیت پورې را یاده شوه؛ پدرام خیل او ستم خیل فکر کوي چې که موږ ته په تذکره کې افغان ونه لیکل شي نو د افغان نوم به له موږ څخه په بهرنیو هیوادونو کې لرې شي او خلک به مو په هغه نوم بولي چې موږ یې خپله ځان ته غواړو.

دوی د آرینو له حکایت څخه نه دي خبر چې اصل او منل شوی نوم په ختمونو او خیراتونو هم نه بدلیږي، دوی خو اوس یوازې د کاغذ د مخ خبرې کوي، د افغان سپیڅلی نوم اوس د افغانستان په جغرافیه کې په هر میشت وګړي پروت دی هغه که له هرې ژبې، نژاد او دین څخه وي.

هغه ټبرونه چې دلته اوسي که په هره ژبه ګویا وي افغانان دي، دا هغه شریک نوم دی چې ټول افغانان پرې راټول شوي دي او منلی یې دی. پرته له استثنا نه او هغه خلک چې په استثنا کې راځي تالیڅټي او پرديپالي دي چې اوس یې ټول اصیل افغانان په رسمیاتو پیژني چې د کومو سوړو نه راوتلي موږکان دي.

کوم خلک چې نن افغانیت نه مني سبا به افغانستان نه مني او بله ورځ بل ارزښت نه مني چې باید نن یې چاره وشي؛ اول په خبرو، خو که خبرو نتیجه ورنه کړه بیا خو هسې هم موږ په پښتو کې متل لرو چې وایي: کږې خولې په سوک سمیږي، دوی خپلو بادارانو دومره سپین سترګي کړي دي چې آن کوښښ کوي د خلکو په سترګو ورننوځي خو زموږ په چوکیو ناست پښتانه بیا مړه مړه ورته ګوري.
شرم خو لکۍ نه لري…!

322 total views, 2 views today

1 comment

  1. shahed Reply

    هغوي خرڅ شوي دي،

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2