Categories

اعلان

Loading…

د لر او بر پښتانه یو دي | پرخه اسد

د نه درځم نه به راځئ پالیسي په اوسني دور کې نه شي چلیدای، او نه هم په زور کلي کیږي. د کابل او پېښور د کوټې او کندهار یارانه په زرګونو کاله زړه ده، یو ورور په لر کې پاتې شوی نو بل په په بر کې، او څوک یي په زړونو کې دغه مینه په ازغن تارونو نه شي بېلولی.

د پاکستان او افغانستان دواړو خواو ته پرتو پښتنو پر خپله سینه دغه ازغن تارونه له وړاندې شلولي او رد کړي دي. باید د پاکستان حکومتونه او ادارې د هغو خلکو د بیلولو هڅه ونه کړي چې جنګونو هم له یو بله جدا نکړای شول.

د حکومتونو پالیسۍ، ګټې او تاوانونه یو اړخ ته خو د دغې له وجې د ولسونو ترمنځ رابطې شلول به یوه ډېره نامناسبه رویه وي، که پاکستان یي خپله کړي او باید چې خپله یي نه کړي، ځکه چې د برلن د دېوال مثال په نړۍ کې موجود دی، دغه ثابتوي چې طاقتونه وینه، مینه او هغه خپلولي نه شي بیلولې چې د زرګونو کالو تاریخ لري.

ًیو ورور مې په کابل کې دې او بل په پېښور کېً  هم دغه د پښتون قام کیسه ده، چیرته یو په کراچۍ کې دې او بل په جلال اباد، کوټې او کندهار کې. دا خلک له یو بل سره رابطې لري، تجارت کوي، خپل ناروغان پېښور او یا نورو ښارونو ته راوړي. او بیا دوی د علاج لپاره خو ارو مرو راځي، خپل جاییداد خرصوي، خو د خپلې مور علاج په پېښور کې کوي.

د افغانستان ولسمشر وایي پر ډیورڼډ کرښه ازغن تار دواړو خواو ته مېشته ولسونه نه شي جدا کولی، او نه باید داسې څه هڅه وشي.

لکه چې څنګه وایي اوبه په ډانګ نه بیلیږي، او نه به هم دغه اوبه بیلې شي، خلک به د یو بل سره د دغو رابطو بله لاره هم ولټوي، خو باید هم دغه د تورخم په لاره تګ راتګ وشي. کله دې دوی راځي او کله به موږ ورځو او د ژوند دغه چارې به پر مخ وړو.

د خیبر دره خو لار د تلو راتلو ده ـــ په کابل او پېښور کې افغان یو دې

او نه د دغو خلکو دغه واړه ارمانونه د تارونو او د اوسپنې د سیمونو لا لارې ونه تړل شي، پریږدۍ چې دوی لاړ شي بیا راشي او بیا لاړ شي.  دواړه خواوې هم داسې تجربې وکړې ، خلک او خپلې سیمې ووینې، ژوند ژواک وګوري د یو بل له ښو او بدو ځان خبر کړي او ټولې مسلې په خبرو هوارې کړي.

په یو داسې ماحول کې چې د دواړو خواو میشتو ولسونو او خاص کر پښتنو ته نقصانونه رسیدلې دي، دوی بمونو ، او ترهګرو پيښو  دردولې دي، ډېرې دوکې یي خوړلې دي او لا هم دغه لړۍ نه ده ودریدلې، نو په داسې یو وخت کې د دوی په سینه لا نور ازغي کرل به کله هم څه ګټه ونه رسوي. دا به نقصان وي، تاوان به وي، او یو لوی زیان به ورسوي.

د لر او بر پښتانه یو دي ـــولې اغیار ورباندې بل ګمان کوینه

پرخه اسد

448 total views, 2 views today

1 comment

  1. Zmarai Kassi Reply

    ” د لر او بر پښتانه یو دي ”
    اویا کلونو نه را هیسې دا پاسنۍ خبره اورم چه کرا کرا ترې بده منم. زه نه پوهېږم تر کله به ځانونه او نور دې خبرې سره خوشحلوو او ګته یې څه ده او وروسته به څه ګټه ورسوي. آیا ضرور نده چه ملل متحد ته یا انګریز او نورو ته دې په جدي توګه مراجعه وشي چه قرار دادونو سره سم د پښتنو د ژوند او بیا ګډ ژوند باندې هغه آخری فیصله دې صادره شي چه د امیر عبدالرحمن خان سره امضا شوي وو. 1990کال کې جنرال شتاهل د سویس د چریکی جنګونو استاد ما ته یې د خبرو په دوام کې وویل چه : که پښتانه نه بنیادمېږي، نو امریکا غواړي چه پښتانه له مینځه ویسي. زه اچت پوه شوم چه دی غواړي یو پروپاګند د امریکې پر ضد په لاره واچوي او ما استعمال کړي. زه پخوا له دې پوهېدلم چه خپله سویس او اروپا یو هدف لري او دا چه پښتانه په کم ډول له مینځه یوسي، تر څو چه امریکې نه مخ کې خپل اهدافو ته ورسېږي. وروسته تر هغه چه په 1994کال کې مې سناتور ګاروین او اوسنی ښاغلی مولر او نور کسان می ولیدل او د تروریزم خطرونه په هکله وغږېدم او د مخدره موادو تجارت مساله مې تشریح کړه، اسناد راسره دي، نور مې لاس واخسته چه ما خپله وظیفه خپل وطن ته ختمه کړه، نه داچه ګټه نلري بلکه هغه افغانان چه په ټولو جنایتو کې یې لاسونه درلودل، ماپسې ډنډورې یې جوړې کړې. تر هغه چه په 2001کال کې سویس او اروپا زه یې د تروریستانو په لست کې داخل کړی وم. زما ځینې امریکایی دوستان په دې پوهېدل چه د اروپا پلان، وروسته مستند شو چه د اخبارونو نشریات راسره دي، یو خطرناک پلان دی او زر هاو بیګناه خلک یې د تروریستانو په لست کې داخل کړي وو، اخبار را سره دی. زما دوستان ښاغلی لو مچل ، ما ته یې وویل چه ولیکه ، ټول هغو شیانو باندې چه معلومات لرې. یوې هفتې کې مې 124صفحې ولیکلې او د2001کال د اکتوبر پ 19 مې ورواستوو، هغه وو چه د امریکې د عدلې وزیر څلور ورځې وروسته د اکتوبر په 23 نېټه په تلویزیون کې یې اعلان وکړ چه د تروریستانو لست تغیر ورکړ شو، ځکه چه په افغانستان کې مشابه کسان ریات دي. زما مخ د سویسی داکترانو له خوا د سینوزیت د جراحی په بهانه داغدار شوی وو چه د تاج محمد خان ایوبی د ماما څېره ماته راکړه شوه.خپله ایوبی صاحب دا خبره یی ما ته کړې وه چه د ده د ماما او زما په شکلونو کې یو فیصد فرق هم نشته. په دې 124صفحاتو کې مې د شتاهل خبرې اورپروپاګند او د بوخرر غلاوې چه له افغانستان نه یې کتابونه ایستلي دي هم ولیکل چه ورسته ریس جمهور بوش اعلامیه یې صادره کړه چه د افغانستان غلا شوي غنایم ور وسپارۍ. هو زه پوهېږم چه پښتنو پسې ډندورې روانې دي او ګوندې چه اروپا غواړي چه تر هغه پورې په آسیا باندې لاس نه شي پرې کړی، تر هغه چه پښتانه د دوی په لار قرار لري، ځکه چه اروپا غواړي چه جهانی لوی قدرت شي. پښتنو ته یوه لاره پاتې ده چه یو ملیون کم له کمه امضاګانې واخستل شي او د یوې عریضې په شمول ټولو دولتونو ته او ملل متحد ته دې مخ کې کړي او د پښتنو حقوق د ملل متحد او نړۍ واله تعحداتو په اساس خپل حقوق دې وغواړي او تر هغه چه د پښتنو وضعه معلومه شي، او لر او بر دې یو شي. فکر کوم چه بله لاره نشته او ډیر زر به ناوخته شي.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2