Categories

اعلان

Loading…

طالبان وايي چې له دوی سره برمته امریکايي سخت ناروغ دی

تاند- وسله وال طالبان وايي، له دې ډلې سره د برمته امریکايي روغتیايي وضعیت مخ په خرابېدو دی.

د وسله والو طالبانو ویندوی ذبیح الله مجاهد نن /دوشنبه/ په یوه خبرپاڼه کې ویلي چې له دوی سره برمته امریکايي کیفین کینګ ( Kevin King) د زړه او پښتورګو ستونزې لري او له همدې کبله په ځلونو بې سده شوی دی.

کینګ د افغان امریکايي پوهنتون استاد و.

مجاهد دغه راز ادعا کړې چې دا امریکايي له دوی سره په افغانستان کې برمته ساتل شوی دی.

طالبانو د دغه امریکايي برمته د روغتیايي وضعیت د خرابېدو ادعا وروسته له دې وکړه چې روانه میاشت د سي آی اې په هڅه پاکستان اړ ایستل شو چې یوه امریکايي- کاناډايي جوړه د پاکستان په خاوره کې له ۵ کاله برمته توب وروسته د حقاني شبکې له منګولو وژغوري.

د طالبانو ویندوی دغه راز ویلي چې که کینګ ته هر څه پېښ شول مسوولیت به یې د امریکا د حکومت په غاړه وي.

کینګ او یو استرالیايي، چې نوم یې ټیموتي ویکس ښودل شوی، د ۲۰۱۶ په اګست کې په کابل کې د امریکايي پوهنتون له مخې وتښتول شول.

دواړه د دغه پوهنتون استادان ول.

له هماغه وخته وروسته طالبانو د دوی دوې ویدیوګانې خپرې کړي. په لومړۍ کې، چې د سږ کال په جنورۍ کې خپره شوه، دوی ظاهراً د خپلو یرغملګرو له لوري په یوه پیغام کې د امریکا له ولسمشر ډانلډ ټرمپ څخه وغوښتل چې د دوی د خلاصون په بدل کې د طالبانو بندیان خوشي کړي.

220 total views, 1 views today

1 comment

  1. kabuliwala Reply

    دا بل پاکستانی چل

Leave a Reply

Your email address will not be published. Required fields are marked *

۸