Categories

اعلان

Loading…

په دلارام کې چاودنې ۴۰ تنو ته مرګ ژوبله واړوله

تاند- له نیمروز څخه د رارسېدلي راپور له مخې د دوشنبې په ورځ په دغه ولایت کې یوې زورورې چاودنې لږترلږه ۴۰ تنه وژلي یا ژوبل کړي دي.

چارواکي وايي چې پېښه تېره شپه ناوخته په دلارام ولسوالۍ کې شوې ده. دلارام، پخوا په فراه ولایت پوري تړلې وه. دا ولسوالي، چې د هرات- کندهار په لویه لار کې پرته ده، د فراه، نیمروز او هلمند ترمنځ پرته ده.

چارواکي وايي چې پېښه هغه مهال وشوه چې په سیمه کې پر یوه مسافروړونکي بس او د ملکیانو پر یوه موټر د سړک د غاړې بمونه وچاودېدل.

د دلارام ولسوال انجنیر خدایداد پېښه تایید کړه، ویې ویل چې چاودنه د لخشاک په سیمه کې شوې ده.

د ده په وینا بس له فراه ولایت څخه کندهار ولایت ته روان و. ولسوال وايي چې اکثره وژل شوي او ټپیان ماشومان او ښځې دي.

د فراه ولایت چارواکي وايي چې بم د طالبانو له لوري اېښودل شوی و.

طالبانو، چې عموماً په لارو کې بمونه ږدي، تر اوسه پوري په دې اړه څه نه دي ویلي. دا ډله عموماً د هغو پېښو په اړه پټه خوله غوره بولي چې ملکیان یا عام خلک پکې ووژل شي.

د دلارام ولسوال وايي چې په پېښه کې لږترلږه ۱۵ تنه وژل شوي او ۲۵ نور ژوبل دي خو وېره ده چې د وژل شویو کسانو شمېر زیات شي ځکه چې د ډېرو ټپیانو حال ښه نه دی.

71 total views, 1 views today

3 comments

  1. هارون Reply

    زه تبصره نه لیکم ولي چي تاند زما تبصري نه خپره وي یوار وايي تاسو دستورو خانی نه دی ډکی کړی بله ورځ بل شی وایی خو فکر کوم چي هر څه يي زړه غواړي هغهکوي سره له دي چي زه ټول اړخونه او اصول په نظر کي نیسم«« غواړم یو دوه بیته یا لنډکی ووایم
    چا ته فریاد وکم چاته هال دزړه ښکاره کمه «» هیڅوک مي عرض نه آوري که زه چیغه ناره کمه

    1. تاند Reply

      صرف نوم او ایمیل لیکئ، د بلې خانې ډکولو ته اړتیا نشته.مننه
      تاند

  2. Zek Pakhtoon Reply

    مبارک دی مشر ملا صیب، نامخدا ښه غټ ښکار یې کړی او دا خو بیا ډیر غټ اجر لری ځکه په یو وار دومره خلک وژل. نوش یې جان مولوی صیب خپله خو په کوټه کې مزی کوی سره د بچو خو دلته دی پردی بچي هلاک او تباه کړل. خدای دی د بچو سره نیست و نابود کړی تا وحشی او ظالم ادم خور ماشین. دومره قتلونه خو والله کې چانګیزخان او اسرایلو هم کړی وی لکه ته ادم خور ماشین یې چي کوی

Leave a Reply

Your email address will not be published. Required fields are marked *