Categories

اعلان

Loading…

خواجه اصف: د پاکستان نفوذ کم شوی، اوس روسیه، چین او ترکیه د طالبانو ملاتړ کوي

تاند- د پاکستان د بهرنیو چارو وزیر خواجه اصف ادعا کوي چې پاکستان د امریکا د بهرنیو چارو وزیر ته ویلي چې په افغانستان کې پر خپله ماته اعتراف وکړي.

د پاکستان د ډان ورځپاڼې د راپور له مخې، خواجه اصف د چهارشنبې په ورځ د خپل هیواد سنا جرګې ته د امریکا له بهرنیو چارو وزیر ریکس ټیلرسن سره د سې شنبې په ورځ د پاکستان د صدراعظم او لوی درستیز په ګډون د اته کسیز پلاوي د کتنې په اړه وویل چې دوی امریکا ته د تروریزم پر ضد په مبارزه کې د همکارۍ ژمنه ورکړه، خو ورته ویې ویل چې په دې مبارزه کې به پر خپل ملي حاکمیت معامله ونه کړي.

د سې شنبې په ورځ د امریکا د باندنیو چارو وزیر له پاکستاني چارواکو سره د امریکا او پاکستان ترمنځ د اعتماد د بیا رامنځته کولو پر شرطونو د خبرو ترڅنګ له پاکستان څخه د طالبانو پر وړاندې د عملي اقداماتو په شمول یو لړ غوښتنې وکړې.

عباسي د هغو اقداماتو په اړه چې د ده په وینا پاکستان له افغانستان سره د اړیکو د ښه کولو لپاره کړي دي، د امریکا د بهرنیو چارو وزیر ته معلومات ورکړل.

له ټیلرسن سره د پاکستان د صدراعظم په کتنه کې د دغه هیواد تقریباً ټول اصلي تصمیم نیوونکي لکه د آی ایس آی ريیس ډګرجنرال نوید مختار، دفاع وزیر خرم دستګیر، د بهرنیو چارو وزیر خواجه اصف، د کورنیو چارو وزیر احسن اقبال او د بهرنیو چارو وزارت مرستیال حاضر ول.

خواجه اصف د خپل هیواد سناتورانو ته د دې کتنې په اړه د معلوماتو ورکولو په مهال وویل، پاکستاني مشرانو امریکايي پلاوي ته وویل چې د پوځي مشرانو په ځای دې خپلو ملکي مشرانو ته موقع ورکړي چې د افغانستان لپاره پالیسي جوړه کړي ځکه چې پوځي حللارې تراوسه پورې ناکامه شوي نو پکار ده چې په سیاسي لارو غور وشي.

اصف همداراز وویل چې پاکستانیانو امریکا ته وویل چې د تېرو ۱۶ کلونو ماتې یې په مخ کې دي.

ده زیاته کړه«وضعیت یوازې هغه مهال ښه کېدای شي چې واشنګټن خپله ماته ومني، په افغانستان کې خپله ناکامي ومني. پرون په اسلام اباد کې د پاکستاني مشرانو سره مو په خبرو اترو کې ډېر په پرانیستي او روښانه توګه د هغو شریکو اندېښنو په اړه بحث وکړ چې د امریکا متحده ایالات او زموږ نور سیمه ییز متحدان او شریکان؛ هندوستان او همدارنګه افغانستان یې لري او هغه دا چې زیات تروریستي سازمانونه شته چې په پاکستان کې خوندي ځایونه لري له کومه ځایه چې هغوی د نورو هېوادونو پر ضد عملیات او بریدونه کوي»

امریکا تراوسه پورې د پاکستان له اصلي واکمنانو سره د خپل هیواد د بهرنیو چارو وزیر د خبرو په اړه ډېر جزییات څرګند کړي نه دي.

خواجه اصف، چې ویل کېږي، په خپلو خبرو کې له مبالغې زیات کار اخلي، سناتورانو ته وویل «موږ امریکايي پلاوي ته وویل چې پاکستان له امریکا نور پوځي وسایل، مالي مرستې او مواد نه غواړي؛ پاکستان د دې پر ځای د برابرۍ پر اساس اړیکې غواړي.»

اصف همداراز وویل چې د امریکا د بهرنیو چارو وزیر ته وویل شول چې که کره استخباراتي معلومات ورکړل شي پاکستان په خپله خاوره کې د سختدریځو پر ضد هماغسي اقدام کوي چې په وروستیو کې یې وکړ او امریکايي- کاناډايي کورنۍ یې وژغورله. خو د بل چا لپاره په خپله خاوره کې جنګ نه شي کولی.

د پاکستان د بهرنیو چارو وزیر همداراز وویل چې دوی د امریکا د بهرنیو چارو وزیر ته وویل چې پاکستان د پخوا په شان پر طالبانو اغېز نه لري ځکه چې اوس نور شته چې د طالبانو ملاتړ کوي.

د ده اشاره ایران او روسیې ته وه او په عین حال کې یې تایید کړه چې پخوا یې د طالبانو ملاتړ کاوه.

د امریکا د بهرنیو چارو وزیر د چهارشنبې په ورځ له هندي چارواکو سره په کتنه کې وویل ویل«پاکستاني چارواکو ته مې د ټرمپ د ادارې هغه توقعات رسولي چې ترې غواړي پر خپله خاوره دې ګڼې تروریستي سازمانونه له منځه یوسي.»

خواجه اصف بې له دې چې د طالبانو د پخواني مشر د پاکستاني پاسپورت، په پاکستان کې هستوګنې، د کوټې، میرانشاه او پېښور شوراګانو ته اشاره وکړي وویل«امریکا د طالبانو پخوانی مشر ملا اختر محمد منصور څاره خو کله چې پاکستان ته راغی، ووژل شو.»

ده په دې اړه هم څه ونه ویل چې ایا منصور د پاکستاني استخباراتو له لوري امریکایانو ته وروښودل شو او که هغوی په خپله وموند.

اصف وویل څنګه کېدای شي چې له دې مسلې وروسته دې په طالبانو کې د پاکستان نفوذ پاتې شي.

راپورونه وايي چې د منصور له وژل کېدو وروسته په کوټه کې تر ډېرو ورځو پورې د طالبانو د شورا په منځ کې د نوي مشرتابه پر سر اختلاف و او بالاخره د بلوچستان د یوې مدرسې ملا د طالبانو مشر وټاکل شو.

اصف وویل چې امریکايي پلاوي ته وویل شول چې اوس چین، روسیه او ترکیه هم، چې له امریکا سره ښې اړیکې نه لري، د طالبانو ملاتړ کوي.

317 total views, 2 views today

2 comments

  1. SAS Reply

    ايران که ترکيه؟ آيا سر ليک مو صحيح ده؟

    مننه

    1. تاند Reply

      هو، فکر کوو د ایران نوم یې قصداً نه دی یاد کړی ځکه چې ایران پرې اعتراض کوي او پاکستان عموماً له ایران سره له نرم دریځه کار اخلي

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2