Categories

اعلان

Loading…

د سي آی اې رييس افشا کړه چې امریکايي – کاناډايي برمته ۵ کاله په پاکستان کې وه

تاند- د امریکا د مرکزي استخباراتو ادارې یا سي آی اې د پنجشنبې په ورځ په زغرده وویل چې امریکايي – کاناډايي جوړه ۵ کاله په پاکستان کې یرغمل ساتل شوې وه.

مخکې پاکستان ادعا کړې وه چې دا جوړه یې وروسته له دې وژغورله چې له افغانستانه تازه ورواوښتله او سي آی اې یې په اړه معلومات ورکړل.

د ګلوبل نیوز د راپور له مخې، د سي آی اې ريیس مایک پومپیو په واشنګټن کې د دفاع او دیموکراسیو څېړنیز انستیتوت ته وویل«موږ تېره اوونۍ د څلورو امریکايي اتباعو، چې پنځه کاله په پاکستان کې یرغمل ول، د خلاصون په برخه کې ښه نتیجه ترلاسه کړه.»

دا له کله چې جوشوا بویل او د کورنۍ غړي یې خوشي شوي دي، لومړی ځل دی چې د امریکا یو جګپوړی چارواکی په زغرده اعلانوي چې دې کورنۍ د برمته توب ټوله موده د پاکستان په خاوره کې تېره کړې ده.

تر دې وړاندې نیویارک ټایمز ورځپاڼې د بې نومو امریکايي چارواکو په قول ویلي و چې دا کسان په پاکستان کې برمته ساتل شوي وو خو دا نه و ویل شوي چې په پاکستان کې څومره وخت برمته ول.

نیویارک ټایمز ته امریکايي چارواکو ویلي چې د دې کورنۍ د خلاصون لپاره هغه مهال د امریکا په امر پاکستاني پوځ اقدام وکړ چې طالبانو هغه له قبایلي سیمې د خیبر پښتونخوا ایالت د کواټ ښار ته بېوله.

ورځپاڼه وايي، که پاکستان اقدام نه وای کړی او د امریکا کومانډو ځواکونو دا کورنۍ خوشي کړې وای، دا به د پاکستان لپاره په ۲۰۱۱ م کال کې په ایبټ اباد کې د اسامه بن لادن له رسوايۍ وروسته یو بل شرم و.

نورو امریکايي رسنیو نن /پنجشنبه/ راپور وکړ چې یو شمېر امریکايي چارواکو پخوا لا ویلي و چې دا جوړه په افغانستان کې نشته.

دوی په ښکاره ویلي وو چې برمته په پاکستان کې ساتل کېږي.

دوی همداراز ویلي چې دا کسان د حقاني شبکې په لاس کې دي چې په پاکستان کې مېشته ده او له هماغه ځایه د حملو لپاره له ډیورنډ کرښې اوړي.

د پاکستان یوه استخباراتي چارواکي د جمعې په ورځ وویل چې د پاکستان پوځ او استخباراتو د امریکا د استخباراتو د معلوماتو پر اساس هغه موټر ومونده چې له ډیورند کرښې د پاکستان په خاوره کې ۶۰ کیلو متره دننه په کورمه ایجنسۍ کې روان و.

دوی دغه راز ادعا کړې چې برمته ننیونکي یې وژلي دي.

د طالبانو سرچینو هم امریکایانو ته ویلي چې برمته یې له کلونو راهیسې د پاکستان په خاوره کې ساتل.

318 total views, 2 views today

1 comment

  1. جندل خان Reply

    مطلب دا چې پاکستان بیا وشرمېد. خالق تعالی دې یې تل ټیټې سترګې او په خپل غضب ککړ لري.‌

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2