Categories

په ننګرهار کې د داعش او طالبانو ترمنځ نښتو زرګونه کورنۍ کډه کولو ته مجبوره کړې

تاند – د افغانستان په ختیځ کې د ننګرهار ولایت د خوګیاڼو ولسوالۍ زرګونه کورنۍ د وزیرو په سیمه کې د داعش او طالب اورپکو تر منځ د جګړې له امله د خپلو سیمو پرېښودلو ته مجبورې شوې.

ویل کیږي چې د اورپکو د ډلو تر منځ جګړه د شنبې د ورځې /د اکتوبر۱۴مه/ راهیسې پيل شوې او ورځ تر بلې زور اخلي.‌

نن پنجشنبه /د اکتوبر ۱۹مه/ یو شمېر رسنیو یاده کړې وه چې خواوشا ۵۰۰ کورنۍ له خپلو مېنو څخه بې ځایه شوي، او په جلال اباد کې د کډوالو د چارو ریاست ویلي وو چې د هغوی لپاره د مرستې چمتووالی لري، خو د خوګیاڼو ولسوالۍ له مرکز کږې بازار څخه یوه عیني شاهد چې نه یې غوښتل نوم یې یاد شي تاند ته وویل چې د کډو بهیر بېخي ډېر زیات دی، د ولسوالۍ بازار ډک دی او خلک سرګردان دي چې کومې خواته لاړ شي.‌

د ننګرهار ولایت د خوګیاڼو ولسوالۍ یوه سیمه

په جلال اباد کې د مدني چارو فعال او ژورنالست عبدالله سحر په خپله فیسبوک پاڼه لیکلي چې د کډو شمېر زرګونو کورنیو ته رسېږي.‌ ښاغلي سحر لیکلي،‌ «د خوږیاڼیو د وزیرو دا ښکلې جنتي دره د طالب او داعش دجنګ په اور کې سوځي! نن ترې پنځلس زره کورونه راووتل، خدای خبر چې چرته به در په در د ژوند شپې او ورځې تېروي!!!
داعش نن د وزیرو کمبو ته راننوتی دی. یاربه رحم وکړې.»

ویل کیږي چې کډه شویو کورنیو چې ماشومان، ښځې او زاړه کسان په کې دي، د چمتلې په دښته او خواوشا سیمو کې اړولي او یو شمېر یې د جلال اباد ښار ته رسېدلي دي.

ویل کیږي، چې په ننګرهار کې د خوګیاڼو ولسوالي یوه ګڼ نفوسه سیمه ده چې د اوسېدونکیو شمېر لکونو ته رسېږي او که د جنګ مخه ونه نیول شي ښایي چې په سیمه کې یو ناورین رامنځته شي.

Leave a Reply

Your email address will not be published. Required fields are marked *

google.com [1], pub-1528507673086054, DIRECT, f08c47fec0942fa0
cavixo.com [2],1366,DIRECT
google.com [1], pub-7980196294731979, DIRECT, f08c47fec0942fa0
smartadserver.com [3],1343,RESELLER
smartadserver.com [3],2875,RESELLER
indexexchange.com [4],179394,RESELLER
contextweb.com [5],560288,RESELLER,89ff185a4c4e857c
pubmatic.com [6],156439,RESELLER
pubmatic.com [6],154037,RESELLER
rubiconproject.com [7],16114,RESELLER,0bfd66d529a55807
openx.com [8],537149888,RESELLER,6a698e2ec38604c6
sovrn.com [9], 257611,RESELLER, fafdf38b16bf6b2b
appnexus.com [10],3703,RESELLER,f5ab79cb980f11d1
ibillboard.com [11], 29038, DIRECT
indexexchange.com [4], 180179, RESELLER, 50b1c356f2c5c8fc
stroeer.com [12], 14214 ,DIRECT
indexexchange.com [4], 183592, RESELLER, 50b1c356f2c5c8fc
Appnexus.com, 1371, RESELLER, f5ab79cb980f11d1
contextweb.com [5], 558750, DIRECT, 89ff185a4c4e857c