Categories

اعلان

Loading…

د اسلامي نړۍ تر ټولو سترې مرجعې د افغانستان تروریستي حملې وغندلې

تاند- د اسلامي همکارۍ ټولنې (OIC) سکرتر جنرال ډاکتر یوسف بن احمد الثامین د افغانستان د سې شنبې د ورځې تروریستي او انتحاري حملې وغندلې.

د اسلامي همکارۍ ټولنې سکرترجنرال، چې دفتر یې د سعودي عربستان په جده کې دی، په ځانګړي ډول د ګردېز تروریستي بریدونه په کلکه غندلي دي.

د اسلامي همکارۍ ټولنې سکرتر جنرال په خپله اعلامیه کې ویلي چې د ماشومانو، ښځو، ملکیانو او افغان امنیتي ځواکونو پر شهادت د هغوی له کورنیو او د افغانستان له حکومت سره خواخوږي څرګندوي او د ټپیانو د ژر تر ژره رغېدو دعا کوي.

د اسلامي همکارۍ ټولنې سکرتر جنرال همداراز ویلي چې په دې ستر غم او مصیبت کې له افغانستان سره د تروریزم او افراطیت پر ضد په جګړه کې خپل پیوستون اعلانوي.

د وروستیو راپورونو پر اساس د سې شنبې د ورځې په تروریستي بریدونو کې ۷۳ تنه افغان ملکیان او نظامیان شهیدان شول.

تر ټولو ډېره مرګ ژوبله د پکتیا ولایت په مرکز ګردېز کې واوښته.

د وروستیو معلوماتو له مخې د پکتیا په حملو کې چې امنیه قومانداني، د پولیسو روزنیز مرکز، د پاسپورت دفتر او د نجونو لیلیه پکې په نخښه شول، لږترلږه ۴۱ تنه شهیدان شوي او تر ۱۶۰ ډېر نور ژوبل دي. اکثره ټپیان د پوهنتون د ۱۵ تجونو محصلانو په شمول ملکي وګړي دي.

په وژل شویو کې د پکتیا امنیه قوماندان توریالی ابدیاني هم شامل دی.

د طالبانو تروریستي ډلې ادعا کړې چې ۲۷۷ افغانان یې وژلي دي.

55 total views, 2 views today

Leave a Reply

Your email address will not be published. Required fields are marked *