Categories

اعلان

Loading…

په ننګرهار کې د ځمکو د غصب لړۍ د ولایت مقام پورې ورسېدله

تاند – د ختیځ ولایت ننګرهار په زړه جلال اباد ښار کې د ولایت مقام او شاهي ماڼۍ شاته دولتي ځمکه د ننګرهار د دوه زورواکو قوماندانانو له خوا په زور نیول کیږي.

په جلال اباد کې یوه مدني فعال چې ځان یې یوازې د محمد په نامه تاند ته ور وپېژاند، وویل، د ولسې جرګې د غړي فریدون خان مومند او د وسله والو د پخواني قوماندان سید غفار پاچا له لوري د شاهي ماڼۍ شا ته ځمکې په زور نیولو باندې کار روان دی.

همدارنګه د ټولنیزو رسنیو یوه فعال چې نه یې غوښتل د امنیتي اندېښنو له امله یې نوم خپور شي، د محمد خبره تایید کړه او ویې ویل، په دې کار کې د والي محمد ګلاب منګل لاس هم شته.‌ نوموړي وویل، چې غفار پاچا یو ځل امنیه قومندان عبدالرحمن رحیمي ونیو او بیرته یې د فریدون خان مومند او نورو غاصبانو په وینا خوشې کړ.

د ننګرهار دوه نور وسله وال زورواکي ظاهر قدیر او فضل هادي مسلمیار

ویل کیږي، چې د شاهي ماڼۍ لویدېځ لورته او د پخوانۍ سرحدي لوا او ورسره څېرمه ساحه د ننګرهار د پخواني والي ګل اغا شیرزي په وخت کې غفار پاچا او یو شمېر نورو زورواکو او غاصبانو په زور ونیوله او د والي په سلا یې ورته اسناد جوړ کړل چې په دې توګه هغه ځمکه چور کړای شوه.

په جلال اباد کې د تاند همکار وایي، چې د نوي پلان له مخې، چې یوه اندازه جزیات یې څرګند شوي، په دې ساحه کې چې اوس یې د غصب پر پلان کار روان دی، د فوټبال او کرکټ د لوبغالو په شمول یو شمېر دولتي او عام المنفعه ودانۍ موجودې دي او په پام کې ده چې هلته په دېرش جریبه ځمکه کې د باچاخان په نوم د کرکټ یو نړۍ وال لوبغالی او یو جمنازیوم جوړ شي.

ویل کیږي چې که دولت په دې برخه کې چټک  او پر وخت اقدام ونه کړي، وېره شته چې زورواکي په خپل ناوړه پلان کې بریالي شي، او د غصب بلا یادې دولتي او عام المنفعه ودانۍ او بېخبناوې له ستوني تېر کړي.

375 total views, 1 views today

1 comment

  1. Momand Reply

    نو ستاسی قوی منابع اوس فیسبوک او فیسبوک فعالان شول،شرم دی په والله ،نمد تاند آژانس اهمیت به له مابینه یوسی. حقیقت خو دا دی چی دغه زمکه د سردار داود خان شخصی ملکیت وو او د هغه د کورنی له لوری دا ملکیت و پلورل شو چی فریدون مومند ،معلم عزیز کامه وال او بعضی نورو دغه ملکیتونه په شرعی قبالو سره واخستل او د فرمان په اساس چی دا شخصی ملکیت وو تر هغی روسته وپلورل شو،زما په نظر که فریدون مومند غواری نو ستاسی آژانس به د قانون و حکمونو سره سم مجازات شی،او فیسبوکی منابع به مو هم مجازات شی

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2