Categories

اعلان

Loading…

د ۱۲۰ تریلیون مایله لیري ځای د لیدلو لپاره ټیلسکوپ

تاند- د فضايي تحقیقاتو متخصصان غواړي چې د لاتیني امریکا د چیلي هیواد په صحرا کې داسې ستر ټیلکسوپ جوړ کړي چې ۱۶ هیندارې ولري او هره یوه ۵ متره لویوالی ولري.

دا ټیلسکوپ به په فضا کې د ژوند د نښانو د موندلو لپاره تر یولکو شل زره ملیارد مایله فضا پلټلی شي.

د ډیلي مېل ورځپاڼې د راپور له مخې، د دې پروژې اصلي موخه له شمسي نظامه دباندې د ژوند د نښو د موندلو لپاره هڅه بلل شوی ده.

دا پروژه، چې (ELF) نومول شوې، په لېري سیارو کې د ژوند د احتمال کیمیايي نښې څېړلی او حتي په نورو سیارو کې د خورا لېري سمندرونو او قارو عکسونه اخیستلی شي.

 له جوړېدو وروسته به د دغه ټیلسکوپ په وسیله تر هر څه وړاندې لومړی پروکسیما B سیاره وکتل شي چې ګومان کېږي د ژوند نښې پکې شته.

دا سیاره له مځکې ۴ اعشاریه ۲ نوري کاله لېرې ده.

د دغه ټیلسکوپ پلنوالی به ۲۵ متره وي او د چیلي په اتاکاما صحرا کې به کېښودل شي.

دا ټیلسکوپ به د هغو سیارو عکس اخیستلی شي چې له مځکې ۲۵ نوري کاله یا ۱۲۰ تریلیون مایله لېري دي.

څېړونکي به د دغه ټیلسکوپ په وسیله په لېري سیارو کې د اکسیجن، میتان ګاز او اوزن په اړه د معلوماتو د ترلاسه کولو هڅه وکړي.

9 total views, 3 views today

Leave a Reply

Your email address will not be published. Required fields are marked *