Categories

په ۶ زره اروپايي ښارونو کې وړیا وای فای

تاند- اروپايي اتحادیې په ۶ زره ښارونو کې د وړیا وای فای انترنیټ د برابرولو لپاره د ۱۲۰ ملیون یورو پروژه تصویب کړه.

د اروپايي اتحادیې د پارلمان خبري اژانس د راپور له مخې د دې اتحادیې د پارلمان غړیو تقریباً د اتحادیې په درستو هیوادونو کې د انترنیت د وړیا کېدو ملاتړ کړی دی.

د دې پروژې د عملي کېدو په صورت کې به په کتابتونونو، دولتي او غیردولتي ادارو، روغتونونو او د ښار په عمومي ځایونو کې خلک وړیا وای فای یا بې سیمه انترنیټ لرلی شي.

اوس هم د یو شمېر اروپايي ښارونو په رستورانونو، دولتي ادارو، تمځایونو، روغتونونو، کتابتونو او ځینو پارکونو کې انترنیټ وړیا موندل کېږي.

د اروپايي پارلمان غړي وايي، دا پروژه، چې (WIFI4EU) نومېږي، د خلکو عوایدو به زیات کړي.

د ډېرو په باور، هرڅومره چې انترنیټ عام او وړیا شي، په هماغه اندازه به د انترنیټ له لارې تجارتي راکړه ورکړه او اعلانونه زیات شي.

Leave a Reply

Your email address will not be published. Required fields are marked *