تاند- وسله والو طالبانو په وروستیو کې یوه نوې تبلیغاتي ویدیو خپره کړه چې د خپلو وسله والو یو اوږد کاروان ښيي چې په رڼا ورځ ازاد او بې ډاره تېرېږي.

د امریکا د ملټري ټایمز ورځپاڼې د راپور له مخې، دا ویدیو، چې سرلیک یې دی«جهادي بهیر په نیمروز او  قوت اخیستو کې» د سپټمبر په پای کې په انترنیټ کې خپره شوه.

په دې ویدیو کې د طالبانو یوه لویه غونډه ښودل کېږي چې د دې ډلې له سپینو بیرغونو سره نقلیه وسایل لیدل کېږي.

د طالبانو په کاروان کې امریکايي هاموې زغرګاډي هم ښکاري.

پر ځینو هاموې زغرګاډو روسي هوا ضد ماشینګڼونه نصب شوي دي.

د دې ویدیو، چې ۳۳ دقیقې ده، دوې دقیقې د طالبانو د زغرګاډو او نورو نقلیه وسایلو د کاروان تېرېدو ته ځانګړې شوې ده.

د ملټري ټایمز د راپور پر اساس د طالبانو له لوري دا ویدیو په داسې وخت کې خپره شوه چې امریکايي او افغان ځواکونو په افغانستان کې د طالبانو پر ضد هوايي بریدونه په ډراماتیک ډول زیات کړي دي.

ملټري ټایمز وايي، په وروستیو کې د هوايي بریدونو د زیاتېدو له کبله سږنی کال په تېرو ۳ کلونو کې بې ساری دی.

د ۲۰۱۴ کال په پای کې امریکا او متحدانو یې د افغانستان له جګړې لاس واخیستل او د جګړې ټول پېټی یې افغان امنیتي ځواکونو ته وسپاره چې په نتیجه کې یې طالبانو پراخې سیمې ونیولې.

همداراز طالبانو جراات ترلاسه کړ چې د دې ویدیو په شان د قدرت نمایش وکړي.

ملټري ټایمز وايي، کله چې نژدې یو لک امریکايي پوځیان په افغانستان کې مېشت ول او جګړه په خپل اوج کې وه، د امریکا هوايي ځواک په یوه کال کې ۲۶۷۸ هوايي بریدونه وکړل خو په ۲۰۱۵ م کال د امریکايي پوځیانو بریدونه په درست کال کې ۷۶۱ ته رالږ شول.

253 total views, 1 views today

اړوند مطالب

د امریکا بې پېلوټه الوتکو له فراه څخه د تېښتې په حال کې طالبانو ته سخته مرګ ژوبله اړولې اکلیل حکیمي له اسحاق ډاره سره په کتنه کې: د پاکستان پالیسي د اقتصادي همکاریوخنډ دي دفاع وزارت وايي، د طالبانو د پوځي کمیسیون د مشر پر کاروان په حمله کې ۳۰ طالبان وژل شوي افغان هوايي ځواک په کندهار کې د طالبانو د موټرو پر کاروان په برید کې ۳۰ وسله وال وژلي