Categories

اعلان

Loading…

د پاکستان په یوه زیارت کې چاودنې لږترلږه ۱۲ تنه وژلي او ۲۵ نور ژوبل دي

تاند- د پاکستان د بلوچستان ایالت د جهل مګسي په فتح پور زیارت کې انتحاري حملې لږترلږه ۱۲ تنه وژلي او په لسګونو نور ژوبل کړي دي.

د سیمې د روغتون یوه ډاکتره رخسانه وايي چې روغتون ته د ۶ تنو مړي او دغه راز ۲۵ ټپیان وروړل شوي خو دا وېره لري چې د تلفاتو شمېر به تر دې واوړي ځکه چې یو شمېر ټپیان مرګیحاله دي.

په مرګ ژوبلو کې پولیس هم شامل دي.

پاکستاني رسنۍ وايي، حمله کوونکي خپل انتحاري واسکټ د زیارت د اصلي دروازې مخته د پولیسو د تلاشۍ په ځای کې وچاوداوه.

راپورونه وايي چې نن په دغه زیارت کې میاشتنۍ مېله وه.

دا چاودنه یوازې څو ساعته وروسته له دې وشوه چې د پاکستان د پوځ د مطبوعاتي څانګې عمومي ريیس ډګرجنرال اصف غفور په یوه خبري غونډه کې په پاکستان کې د تروریستانو د یو مخ ځپلو او په دې برخه کې د پوځ د بري په اړه څرګندونې وکړې.

غفور همداراز ادعا وکړه چې په پاکستان کې اوس د هیڅ تروریستي ډلې مرکز او پناهځای نشته.

5 total views, 1 views today

Leave a Reply

Your email address will not be published. Required fields are marked *