Categories

اعلان

Loading…

د امریکا دفاع وزیر وايي، پاکستان ته یو بل چانس ورکوي

تاند- د امریکا دفاع وزیر جېمز متیس وايي، مخکې تر دې چې واشنګټن د پاکستان خلاف په افغانستان کې د یاغیانو د ملاتړ په خاطر نور اقدامات وکړي، دغه هیواد ته یو بل چانس ورکړي.

متیس خبرداری ورکړ چې که په افغانستان کې له پاکستان سره د کار کولو په برخه کې د امریکا هڅې ناکامې شوې، ولسمشر ډانلډ ترمپ تیار دی چې د پاکستان خلاف هر هغه اقدام وکړي چې ورته ضرورت وي.

دا په تېرو ۱۶ کلونو کې پاکستان ته د یوه جګپوړي امریکايي چارواکي تر ټولو سخت خبرداری دی چې د افغانستان د قضیې په تړاو یې ورکوي.

تر دې وړاندې د اګست په وروستیو کې ولسمشر ټرمپ ویلي و چې پاکستان د امریکا د ملیاردونو ډالرو مرستو له ترلاسه کولو سره سره طالبانو ته پناهځایونه ورکړي خو به امریکا دا پناهځایونه ونه زغمي.

متیس د سې شنبې په ورځ د امریکا د سنا جرګې د پوځي خدماتو کمېټې ته د وینا په مهال وویل، واشنګټن غواړي چې پاکستان ته یو بل چانس هم ورکړي.

ده وویل«موږ ته پکار ده چې د دې ستراتیژۍ د بري لپاره دوی ته یو بل چانس ورکړو، خو که زموږ هلوځلو نتیجه ورنه کړه، ولسمشر تیار دی چې هر هغه ګام واخلي چې ورته اړتیا ده.

له کله چې ولسمشر ټرمپ د افغانستان او جنوبي اسیا لپاره نوې ستراتیژي اعلان کړې او پاکستان یې تروریستانو ته د پناه ورکولو په خاطر غندلی، د دواړو هیوادونو ترمنځ اړیکې ترینګلې شوي دي.

د امریکا لوی درستیز جنرال جوزیف ډنفورډ تایید کړه چې د پاکستان پوځي استخبارات یا آی ایس آی له تروریستي ډلو سره اړیکې لري.

ده وویل«دا ښکاره خبره ده چې آی ایس آی له تروریستي ډلو سره اړیکې لري.»

دفاع وزیر جېمز متیس هم آی ایس ای له تروریستي ډلو سره په اړیکو تورن کړ، ویې ویل، داسې ښکاري لکه چې آی ایس آی ځان ته بېله بهرنۍ پالیسي لري.

افغان او امریکايي چارواکي وايي چې د افغانستان د جګړې د دوام علت د پاکستان په خاوره کې د تروریستانو پناهځایونه دي، په ځانګړي ډول د حقاني شبکه چې د پاکستان په مهمو ښارونو کې اوسي.

که څه هم پاکستان په ځلونو دا ډول تورونه رد کړي خو په ځینو مواردو کې یې منلې چې د جقاني شبکې په شمول د طالبانو مشران د پاکستان په خاوره کې اوسي.

ویل کېږي چې د پاکستان د پوځ لوی درستیز جنرال قمر باجوه د کابل په وروستي سفر کې افغان چارواکو ته ژمنه ورکړې چې طالبان به یا خبرو ته حاضروي او یا به یې دفترونه او مرکزونه له منځه وړي.

264 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2