Categories

اعلان

Loading…

روسیه وايي، د افغانستان د تماس ډله بیا فعالوي

تاند- روسیه پرون /دوشنبه/ وویل، د افغانستان لپاره د تماس د ډلې فعالیت بیا پیلوي.

د تاس خبري اژانس د راپور له مخې، د روسیې د بهرنیو چارو وزیر د نوي هجري قمري کال په مناسبت یوې غونډې ته وویل، مسکو به د راتلونکې اکتوبر په یوولسمه د افغانستان د تماس د ډلې کوربه وي.

د افغانستان لپاره د تماس د ډلې دنده د دغه هیواد په اړه د سیمې د هیوادونو د هلوځلو همږغي ده.

د روسیې د بهرنیو چارو وزارت د سرګی لاوروف په قول په یوه خبرپاڼه کې ویلي چې د تماس دا سیمه ییزه ډله په افغانستان کې خپلې هلې ځلې بیا پیلوي.

د ښاغلي لاوروف په وینا، روسیې تل د افغانستان د شخړې د پای ته رسېدو او د افغانانو په مشرۍ د پخلاینې ملاتړ کړی دی.

د شانګهای د همکارۍ ټولنې تر مشرۍ لاندې د افغانستان لپاره د تماس په ډله کې د څه باندې ۵۰ هیوادونو استازي شامل دي.

لاوروف وویل، هیواد یې تل د افغانانو په مشرۍ او مالکیت د افغانستان د ستونزې پر هواري تاکید کړی دی او باور لري چې د سلامشورو له لارې حللار موندل کېدای شي.

«موږ د افغانستان په اړه د مسکو سلامشورې، چې د کال په سر کې پیل شوې، د ملګروملتو د امنیت شورا له پرېکړو سره سم د افغانستان د حکومت او د طالبانو د تحریک ترمنځ د مخامخ خبرو له پیلولو سره د مرستې تر ټولو ښه ممکنه لار ګڼو.»

لاوروف دا خبرې په داسې حال کې کوي چې په وروستیو کې روسیه او ایران په افغانستان کې د داعش له نفوذ سره د مبارزې لپاره د طالبانو په ملاتړ تورن شوي دي.

ځینو افغان چارواکو ادعا کړې چې روسیې د افغانستان په شمال کې طالبانو ته وسلې ورکړي دي.

خو روسیه دا تورونه ردوي.

له بلې خوا هندي رسنۍ وايي چې د افغانستان لپاره د روسیې خاص استازی زامیر کابلوف هند ته ځي چې د دغه هیواد له چارواکو سره د افغانستان په اړه خبرې وکړي.

13 total views, 1 views today

1 comment

  1. عثمانی Reply

    روسان افغانستان ته د یو نژدې ګاونډي حیثیت لري ، بنا روسانو ته بهتره ده چې له افغانستان سره دوه اړخیزو خبرو ته دوام ورکړي، د افغانستان د دولت او خلکو اعتماد بېرته لاس ته راوړي ، د دښمنی او تروریستي ډلو د ملاتړ پرځای د افغانستان له دولت سره اقتصادی مرسته وکړي، پخوانۍ پروژي بېرته ورغوي او نړیوالو مذاکرو له لارې د افغانستان ستونزه حل کړي.

Leave a Reply

Your email address will not be published. Required fields are marked *