Categories

اعلان

Loading…

د تحریک انصاف یوه مشر په سویس کې د خپلواکي غوښتونکو بلوچانو کمپیان د افغانستان او هند له ملاتړه برخمن وباله

تاند- د پاکستان د تحریک انصاف ګوند یو مشر وايي، د سویس په جینیوا کې د خپلواک بلوچستان کمپاین تر شا د افغانستان او هندوستان لاسونه دي.

ډان ورځپاڼې نن /یکشنبه/ راپور ورکړ چې د تحریک انصاف د بلوچستان ایالتي مشر سردار یار محمد رند یوې خبري غونډې ته په وینا کې وویل«هغوی چې په جینیوا کې د ازاد بلوچستان لپاره کمپاین کوي، له دواړو ګاونډیو هیوادونو مرسته ترلاسه کوي.»

ده د خپلې ادعا د ثبوت لپاره کوم سند یادونه ونه کړه.

ښاغلي رند د پاکستان له مرکزي حکومته وغوښتل چې د اعتراض په توګه له سویسه خپل سفیر د څو ورځو لپاره راوغواړي.

تر دې وړاندې تېره اوونۍ د پاکستان د سنا جرګې رييس ویلي و چې له پاکستانه دې د سویس سفیر وایستل شي ځکه چې دغه هیواد د بلوچستان بېلتون غوښتونکي پرې ایښي چې د پاکستان د تجزیې اواز پورته کړي.

د تحریک انصاف د بلوچستان ایالتي مشر وویل«که داسې کمپاین په هندوستان یا افغانستان کې وای، موږ به پرې اعتراض نه و کړی، خو دا په یوه ازاد، ولسواک او دیموکرات هیواد کې دی.»

د بلوچستان بېلتون غوښتونکي له کلونو راهیسې د پاکستان له پوځ سره جنګېږي او په دې لاره کې یې د خپل یوه مشر بوګټي (بګټي) په شمول ډېرې قربانۍ ورکړي دي.

د پاکستان د پوځ د حملو له کبله په لسګونو زره بلوچان په خپل هیواد کې بې ځایه شوي او په زرګونو نور د پاکستان د پوځ او استخباراتو له لوري نیول شوي او اکثره یې په خورا بې رحمۍ وژل شوي دي.

یو شمېر پاکستاني چارواکو او رسنیو له بلوچانو سره د آی ایس آی پر بې رحمیو په ځلونو اعتراف کړی دی.

24 total views, 1 views today

1 comment

  1. Bashir Reply

    دکوم سند پر آساس دامحترم ادعاکوي .
    که سند لري وړاندي دي کړي .
    کوږ بار تر مزله نه ريږي.
    پلوڅ ،سنديان،پښتانه به آنشاآلله ددې مردارستان څخه ووزي.
    دمردارستان دتجزيې په اميد.

Leave a Reply

Your email address will not be published. Required fields are marked *