Categories

اعلان

Loading…

په مکسیکو کې د ۷.۱ درجې سختې زلزلې پراخه مرګ ژوبله واړوله

تاند – په مکسیکو هېواد کې د ۷.۱ درجو سختې زلزلې ګڼ شمېر ودانۍ راونړولې او د لومړنیو راپورونو له مخې ۴۹ کسان یې وژلي او ګڼ شمېر نور یې ټپیان کړي دي.‌

رسنۍ وایي، چې مرستندوی کارکوونکي د نړېدلو ودانیو چپه شوي دېوالونه لیرې کوي او د مړو شمېر ساعت په ساعت ډېرېږي.‌

تر دې ۱۱ ورځې مخکې د نننۍ زلزلې له سیمې رابوسو څخه خواوشا ۴۰۰ میله لیرې بله سیمه کې د ۸ درجو بلې زلزلې هم په مکسیکو کې خواوشا سل کسان وژلي وو. 

ویل کیږي چې نن سې شنبه /د سپتمبر۱۹مه/ په مکسیکو کې د ۱۹۸۵ کال د هغې زلزلې ویر کېده چې زرګونه خلک په کې وژل شوي وو چې دا زلزله پېښه شوه.‌

له مکسیکو څخه خبري رسنۍ وایي،‌ چې د ښار په بېلابېلو برخو کې د ګازو نللیکې ماتې شوي او اورونه لګېدلي دي.

ویل کیږي چې په مکسیکو کې د نننۍ زلزلې د سیمې په ۲۵۰ کیلومترۍ کې د تېرې یوې پېړۍ په بهیر کې ۱۹ داسې زلزلې پېښې شوي چې زور یې ۶.۵ درجې یا تر دې زیات وو.‌

50 total views, 1 views today

Leave a Reply

Your email address will not be published. Required fields are marked *