Categories

اعلان

Loading…

وسله والو طالبانو ۳ حکومتي کارکوونکي له تښتولو وروسته وژلي

تاند- د هرات ولایتي اداره وايي چې وسله والو طالبانو درې دولتي مامورین له نژدې ۳ اوونۍ یرغمل کولو وروسته وژلي دي.

د هرات د والي ویندوی ګیلاني فرهاد نن /سې شنبه/ رسنیو ته وویل د هرات د ګمرک د دوو مامورینو او د هغو د موټرچلوونکي مړي پرون /دوشنبه/ ماښام مهال وموندل شول.

دی وايي چې دا ۳ تنه شاوخوا ۲۰ ورځې پخوا د دولت د وسله والو مخالفانو له لوري تښتول شوي وول.

فرهاد دا هم وویل چې له وسله والو طالبانو سره د قومي مشرانو په منځکړتوب خبرې روانې وې خو طالبانو له دې سره سره دا کسان ووژل او د هغو مړي یې په اسلام کلا کې د سړک په غاړه واچول.

وسله والو طالبانو تراوسه پورې په دې اړه څه نه دي ویلي.

په هرات کې د پیسو یا باج غوښتلو لپاره هم تښتونې زیاتې کېږي.

خو فرهاد وايي چې دا درې کسه طالبانو تښتولي ول.

45 total views, 2 views today

Leave a Reply

Your email address will not be published. Required fields are marked *