Categories

اعلان

Loading…

د حکمتیار او حکومت ناکامې سوله ییزې هڅې/ ارشاد رغاند

د گلبدین حکمتیارپه مشرۍ د  حزب اسلامي ډلې یوه مشهور کس غوښتنه کړې،چې افغان حکومت باید د وسله والو طالبانو ترڅنګ دوی سره هم د سولې خبرې وکړي.

قطب الدین هلال،چې د یادې شوې ډلې د اجرایه شورا غړی دی،په کابل کې یوه خصوصي تلویزون ته ځینې نورې نوې خبرې هم کړي،چې د پام او بحث وړ دي.

د ښاغلي هلال یوشکایت ډوله خبره دا وه،چې دوی له افغان حکومت سره د سولې د خبرو لپاره پینځلس ځلې کابل ته رسمي پلاوي استولي،خو بیا هم دغو سفرونو او لیدنو،کتنو کامیابې پایلې نه دي لرلي.

ولې ناکامې خبرې؟

د ښاغلي هلال دا خبره پرځای او واقعیت دی،چې باید د سولې خبرې یوازې یوې ډلې پورې محدودې او ځانګړې نه شي،ځکه پروسله والو طالبانو سربېره د انجینرحکمتیار پلویان او ځینې نورې کړۍ هم شته،چې له دولت سره د وسله وال مخالفت تربریده پورې ستونزې لري او که د سولې لپاره هڅې کیږي،باید د ټولو د پخلاینې هدف او عمل پکې شامل وي.

خو دا چې کابل ته د سولې په نیت د حزب اسلامي د هیئتونو پینځلس ځلې سفرونو ولې قانع کوونکې پایله نه ده ورکړې،له حکومت،سولې شورا او خپله دې ډلې ټولو څخه د پوښتنې وړ موضوع ده.

دلته د دې لپاره چې دغه مراجع خلکو ته لازم ځوابونه نه وايي،ښه ده چې خپله د دې هڅو د ناکامۍ عوامل،هدففونه او حل لارې ولټوو.

پاشل شوی دریځ

د افغانستان په جهادي تنظیمونو کې د حزب اسلامي په نوم له پخوا راهیسې دوه ډلې شته وې،چې یوه یې حزب اسلامي حکمتیار او بله حزب اسلامي خالص یادیده.

لومړنۍ دغه ډله د جهاد پروخت له سرلارو او ډېرنفوذ لرونکو تنظیمونو څخه حسابیږي او همدا علت به وي،چې د بهرنیانو لخوا افغان مجاهدینو ته په ورکړل شوو مرستو کې دا ډله د اکثریت برخې مرستې ترلاسه کوونکې ګڼل کیږي.

د جهاد له پای ته رسیدو او تنظیمي واکمنۍ له پیل وروسته د ښاغلي حکمتیار تنظیم کیدای شي سرلاری هغه تنظیم وي،چې انشعابي هڅې او پایلې یې زیاتې لیدل شوي.

دغه کار تراوسه پورې جاري لیدل کیږي او د ځینو راپورونو له مخې اوس د ښاغلي حکمتیار ترڅنګ چې ځان د حزب اسلامي عمومي امیربولي او د پام وړ پلویان هم  په دې ډله کې لري،عبدالهادي ارغندیوال،وحیدالله سباوون او خپله قطب الدین هلال د یاد شوي تنظیمي نوم ترچترلاندې د ځانګړو ډلو لرونکي یادیږي.

د ښاغلي هلال په اړه چې وېل کیږي اوس هم په کابل دی،اوریدل شوي چې اوس یې د خپل مشر حکمتیار صیب پروړاندې خپل باور او اعتبار بایللی او نور د هغه استازیتوب نه شي کولای.

د سولې بهیر د یوه نېږدې څارونکي شنونکي وحید مژده په یوه لیکنه کې ښاغلی هلال په دې تورن شوی و،چې افغان حکومت سره له حکمتیار څخه د پټ توافق له مخې د سولې شورا د یوه مهم نا اعلان شوي همکار په توګه لوړ معاش او امتیاز اخلي او په بدل کې د حکمتیار ځینې مهم پلوي قومندانان د سولې پټو هڅو او موافقې ته راضي کوي.

پردې سربېره د حزب اسلامي د عمومي نوم ترسیوري لاندې فعال نورکسان چې څه برخه یې په دولت کې هم مهمې دندې لري،وخت په وخت د  جهادي تنظیمونو د دغه با نفوذه نوم نمایندګي او امتیاز اخلي.

له ښاغلي حکمتیار څخه د هغه ناراضه پلویان په ځینو پټو شکایتونو کې وايي،چې هغه د مشرۍ د انحصاري کولو ترڅنګ دا هڅه کوي چې د ګوند راتلونکي مشري یې هم د کورنۍ له غړو سره پاتې وي.

دوی په زیاتو مهمو مسایلو کې د خپل امیر د زومانو حضور او استازیتوب د خپلې ادعا لامل یادوي.

نامخصله اراده

د حزب اسلامي د داخلي ستونزو ترڅنګ سولې بهیر ته د دې ډلې په راګډیدو کې یو بل مهم خنډ د افغان حکومت نامخلصه اراده ده.

دا اراده به په حکومت کې له حزب سره د جنګیدلې شمال جنګي ټلوالې له پراخ نفوذ او واک څخه سرچینه اخلي،ځکه که حزب اسلامي په یوه قوت له افغان حکومت سره سوله وکړي،د خپل نسبتاً قوي قوت په زور به د دغې ټلوالې حکومتي او سیاسي موقف کمزوری شي.

که د افغان حکومت اراده له لویه سره دغسې ستونزې نه وای لرلې،له حکمتیار او پلویانوسره یې د سولې هڅې له دومره اوږده دوام او د کامیابۍ له ځینو مرسته کوونکو فکتورونو سره نه ناکامیدې.

 سره له دې چې خپله ولسمشرکرزي او مرستیالانو یې څو ځلې د حکمتیار له پلاویو سره رسمي لیدنې کړي او د مذاکراتو پردوام هوکړه شوې،خو د دې هڅو عملي پایلې نه دي لیدل شوي.

د دې هڅو د نه کامیابیدو یو دلیل که د واک پروېش د افغان حکومت او دغې ډلې اختلاف وي،یو دلیل دا هم دی چې د ځینو ادعاوو له مخې ولسمشرکرزی د حزب اسلامي د یوې خپلې کړې کړۍ په مرسته غواړي د سولې د مذاکراتو په نوم په دې څو برخه شوي تنظیم کې پخپله ګټه نورانشعابات وکړي او سولې ته راتلونکي هیتونه د ځان ملګري کړي.

په دې برخه کې پرقطب الدین هلال شوې ادعاوې ښه مثال دی.

هغه د سولې په مذاکراتو کې د دوی د ګډون خبره په داسې وخت کې کړې،چې د ځینو معلوماتو پربنسټ عملاً خپله په کابل کې اوسي او ترخپلې مشرۍ لاندې د راټولیدونکو حزبیانو پرمنظمولو او تنظیم بوخت دی.

زیانمنونکې هڅې

په ټوله کې دغه حالت د سولې بهیر ته په زیان تمامیږي،په افغان حکومت او حزب اسلامي حکمتیار دواړو کې هغه کړۍ چې د ذاتي ګټو لپاره یې د سولې هڅې تخریبوي،د افغانستان د ستونزو دوام ته زمینه سازي کوي.

د دې ستونزو دوام دغو تخریبي کړیو ته هم د افرادو او هم سیاسي او جنګي فعالانو په حیث د لنډمهالو ګټو ترڅنګ اوږدمهالی زیان کوي.

د سولې سمبولیکه او بې تفاوته شورا باید د دغو کړیو د هڅو په مخنیوي کې مسولانه هڅې او عمل وکړي.

432 total views, 1 views today

6 comments

  1. Ahmad Sameem Reply

    د سولې تر ټولو لوی دښمن حامد کرزی دی. ده له مارشال سره توافق کړی دی چې په هیڅ صورت به نور نه پریږدي چې په واک ورګډ شي.
    دوی په ټولو تجارتونو کې شریک دي او کرزی هسې د پښتنو د تیر ایستلو لپاره د پښتون اکټ کوي.
    شمال ټلواله خو طبیعي ده چې سوله نه غواړي.
    البته امریکایان چې تر کرزي او فهیم دواړو ډیر موثر دي تر اوسه لا سولې ته کوم نیت نلري. حزب اسلامي او طالبانو دواړو ته پکار ده چې له امریکا سره خپلې ستونزې حل کړي. که دوی دغه ستونزې حل کړي، امریکا بې مروته او بی وفا ملګرې ده، کیدای شي شمال ټلوال او ددوی پښتو پوښ (کرزی) ایسته وغورځوي.
    البته د حزب اسلامي د بیلابیلو ډلو موجودیت فکر کوم یو تکتیک وي،. جمیعت هم دغسې په څو ډلو ویشلی ښکاري.

  2. Liaqat Reply

    The northran Alliance never want peace here in afghanistan. they have their own benefits. they search for their benefits in the instability of pakhtoon nation. there is no war in any of the northran areas. the war is there in the mejority(pakhtoon) areas. they want to stop pakhtoons from voting. i request all the pakhtoon to vote for their betterment. Long life pakhtoon.

    Liaqat

  3. نذیر ظفر احمدزی Reply

    لمړی می سلامونه او نیکی هیلی ومنی ښاغلیو وروڼو:
    ددی مضمون په اړه زه هم یو دوه کلیمی لیکل غواړم خدای دی وکړی چی څوک راڅخه نا راضه نشی .
    دا چی سوله ولی منیځته نه راځی یوه خبره خو دا داه چی پدی موضوع باندی باید پشتانه ډر ژر وپوهیږی ځکه چی جرګه او مرکه باید د یو دریمګړی پواسطه صورت وینیسی او زه خو وایم چی دا ددمره لویه مسله چی هیواد پکی راګیر دی نو ولی مسله نه حل کیږی دا ځکه چی دریمګړی داسی څوک دی چی پرون یی ویل په مخالیفینو باندی غټ غټ بمونه واچوی او نن راته سلحه کی او بل لامیل یی په دی ننی حکومت کی استاد سیاف هم کیدی شی ځکه چی بیا خلک دده له خوا څخه طرف واقع کیږی نو تر څو چی داسی خلک پدی سلحه او پدی نظام کی موجود وی نو اول که زه هم مخالف طرف یم ساحه نه کوم او نه ورته حاضریدی شم .او خبره داده چی حګمتیار له ده څخه ورسته د خپلی کورینی کس په واک ورسوی نو دا خبره هسی اضافی تور چی د هغه په لمنه باندی یی لږو نو هغه د مخالف حکومت سره د انتخاباتو له لاری جوړ جاړی کوی اوبیا به په خپل حزب کی شاهی نظام جوړوی دا بلکل ناشونی ده. مننه ستاسو کشر ورور

  4. Ihsanullah Niaz Reply

    Hizb-e-Islami kho hilal saib ye le khpale dale basalay da…. Ze hayran yam se wos ham hilal saib waly de Hizb-e-Islami dale ke zan shomare. No de hilal saib khabare bejaya aw be mana dee.

  5. Sakhi Sardar Reply

    پورته خبری ځکه پایلې نلری، چې ذیدخله فریفونه د پریکړو صلاحیت نلري، د مساییلو د حل د پاره دی په مساییلو کې ښکیلې ډلې اول د تصمیم نیونی واک او اختیار تر لاسه کړي، بیا دی خپلې مرکې په مخ بوځی، کنه مساییل به د پخوا څخه لا زیات حتی يو لایتنهي مسیر غوره کړي، د افغانستان مظلوم او ځوریدلی ولس به په یوه تیاره او مشکوک چاپیریال کې شپې او ورځی تیروي. هر څوک چې قلف خلاصوی او هغې ته مناسبه کیلی پیدا کوي، دا ډیر د افسوس ځای دی چې ۳۰ کاله تیریږي، تر اوسه پوری د حل کونجی نه پیدا کیږي. خو اوس مسله دومره بغرنجه او کړکیچنه شویده چې د یو کس او یا څو کسو د لاس څخه وتلی ده، ټوله نړی پکښې شامله ده. نو زما وړاندیز د مسلی د حل د پاره دادی چې داسی یو جرګه دی جوړه شی چی په هغه کې په واقعي ډول د افغانانو استازی(چې په چا پوری تړلي نه وي)، ګاوندي هیوادونه، د سیمي هیوادونه او نړیواله ټولنه شامله وی،په اخلاص سره د مناسبه او پریکنده پریکړه دی وکړي او عملي دی ګړي.

  6. احمدعزیز نوری Reply

    بسمه تعالی
    تر ټولو دمخه اسلام علیکم ورحمت الله و برکاته هیله چه د هیواد د کړکیچ او آرامی لپاره د الله (ج) او رسول (ص) لاره په پوره
    توګه بی له کوم چل و ول او خلکو غولول خپل لارښود وګرځوؤ دا چی ولی زمونږ جرګی او مرکی نتیجه نه ورکوي پدی
    باور او یقین ولری چه یوه خوا او یا دواړه خواوؤ کی چل او دغل شته او کنه نو الله (ج) هیڅکله د حق او صداقت فیصله ناکام او بی نتیجه نه کوي او حتماٌ کامیابی او نصرت ورته نصیب ګرځوی. نو راځی لمړی له هرڅنه خپل نیتونه پاک او خالصانه کړوؤ او بیاد دخپل دنیائی ګټونه دهیواد د سولی او آرامی په خاطرتیر شوؤ نو وګوری چه الله پاک به ټول مونږ او تاسی ته به هوسا
    .ژوند او ټولنیزه آرام او آزاد هیواد نصیب کړی
    نو همدا اوس هم وخت نه دی تیرشوی یو تینګ عزم او اراده وکړی الله پاک غیرتي ذات دی دبا غیرت اوبا همت بندګانو سره مل دی او ګوری کاوندیان مه خوښحاله کوی او دا ځان ځاني پریږدی نورمو وخت نه نسیم الله مو مل شه که کومه سهوه او لفظي خطا شوي وي بخښنه غواړم

Leave a Reply to نذیر ظفر احمدزی Cancel reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2