Categories

اعلان

Loading…

د چمن په پوله کې انتحاري برید ۱۶ تنو ته مرګ ژوبله واړوله

تاند- د پاکستان د حکومت یو چارواکی وايي چې پرون (دوشنبه) د افغانستان سپین بولدک او د چمن پولې ته نژدې په یوه انتحاري حمله کې لږترلږه یو تن وژل شوی او ۱۵ نور ژوبل دي.

دغه حکومتي چارواکي قیصر خان ناصر وویل، د حمله کوونکي هدف پاکستاني ملیشه ځواک و.

ده همداراز وویل، انتحاري حمله کوونکي د ملیشو ګزمه په نخښه کړه خو د ملیشو موټر تېز تېر شو او چاودنې لارویانو ته مرګ ژوبله واړوله.

د ناصر په وینا د ۳ ټپیانو حال نازک دی.

د پاکستاني طالبانو یوې ډلې، مجلس ابرار، د دې برید مسوولیت په غاړه واخیست.

دې سختدریځې ډلې پخوا هم د یو شمېر حملو مسوولیت منلی دی.

له بلې خوا پرون په کندهار کې د یوه ماین د چاودنې له کبله ۶ تنه ملکیان شهیدان شول. که څه هم کومې دلې د دې برید مسوولیت په غاړه نه دی اخیستی خو په جنوبي ولایتونه کې عموماً وسله وال طالبان په لارو کې ماینونه ږدي.

242 total views, 1 views today

Leave a Reply

Your email address will not be published. Required fields are marked *

۸