Categories

اعلان

Loading…

د جلال اباد ښاریان: د مشرانو جرګې له خوا د ننګرهار امنیه قوماندان ته د ستاینلیک ورکړه شرموونکې ده

تاند:‌ د افغانستان د مشرانو جرګې د ننګرهار ولایت امنیه قوماندان عبدالرحمان رحیمي ته په داسې حال کې د ښه کار ستاینلیک ورکړ چې په وروستیو کې په دغه ولایت او په ځانګړې توګه جلال اباد ښار کې ناامنیو او په تېره بیا وژنو سخت زور اخیستی دی.‌ (په دې هکله د تاند د تېرې  اونۍ راپور)

تاند ته رارسېدلي عکسونه ښیي، چې د مشرانو جرګې رییس فضل هادي مسلمیار نن دوشنبه /د سپتمبر ۱۸مه/ ښاغلي رحیمي ته ستاینلیک ورکوي.‌

په ورته وخت کې نن په جلال اباد ښار کې ډاکترانو او د روغتیایي سکټور نورو کارمندانو د نا امنیو په وړاندې د غبرګون په توګه کاربندیز پیل کړی دی.

د جلال اباد د روغتیایي سکټور کارکوونکي وایي، چې د هغوی نه سر خوندي دی او نه مال، او وایي څو چې د هغوی د امنیت ضمانت نه وي شوی د هغوی کاربندیز به روان وي.‌

ویل کیږي، چې په ننګرهار کې د حضرت علي، ظاهرقدیر، فضل هادي مسلمیار، ګلمراد، ګلمیران، جاوېد زمان، حسن خان او یو شمېر نورو زورواکو شخصي ملېشې فعالیت کوي او د وسله والو ډله دغه مشران په بېلابېلو حکومتي ادارو کې نفوذ لري.‌

په عین حال کې،‌ د جلال اباد ښاریان وایي چې دغه وسله والې ملېشې په غلاوو او شکونو کې لاس لري، او دا چې د مشرانو جرګې له ادرسه داسې کسانو ته ستاینلیک ورکول د شرم خبره ده.

د ټولنیزو رسنیو یو فعال فضل وزیري لیکي، «اصل خبره دا ده چې، په ننګرهار کې د مافیا بانډونه ښه په درز کې فعالیت کوي، هره ورځ غلاوې، اختطافونه، ډز او ډوز ښه په درز کې روان دی او تر شاه یې همدا خیټور لاس لري، امنیتي مسؤلینو هم له دوی سره لاس یو کړی، ددوی دغه هماهنګي ددې سبب شوه چې وستایل شول.»

د نهار ساحل په نامه یو بل مدني فعال د ننګرهار د روغتیایي سکټور د کارکوونکیو له خوا د دغه ولایت د امنیتي حالت پر ضد د لاریون په ملاتړ لیکي، «حقیقت دی، موږ یی ملاتړ کوو، د ننګرهار امنیتی وضیعت ترهر وخت ډیر ناامنه دی، نه ښار کی امن شته او نه ولسوالیو کی، اختطاف، وژنه، غلاګانې، هرورځ مخ په زیاتیدو دی. جناب والی صاحب دی د ولسونوامنیت په اړه جدې اقدام وکړی او کنه په مخه یی ښه.»

دا لا معلومه نه ده چې د مشرانو جرګې د رییس فضل هادي مسلمیار له خوا د ننګرهار امنیه قوماندان ته د ننني ستاینلیک ورکړه د داسې یوې لابي ګرۍ په لړ کې شوي چې ښاریان یې یادوي او که کوم بل علت به لري.‌

627 total views, 3 views today

1 comment

  1. Lala Reply

    Very Bad award in the world, This award is not for good performance, this award is for the bad performance of the officials, because all these mentioned groups support each other.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2